منتديات المرقاب الأدبية - عرض مشاركة واحدة

04-04-2010, 03:41 AM

طراه التحقيق والادعاء العام ..

؛
قبل اكثر من 8 سنوات في الدوادمي .. كنت انا وعيال خالي نلعب كوره العصر جنب ( دائرة التحقيق والادعاء العام )
المهم .. الكوره طارت في حوش الدائره
رحنا للباب نبي نطق عشان نآخذ كورتنا حتى لو كان المكان ( يروّع ) لكن من باب [ اللي يخلي حقه رخمه .. ]

جينا من عند البوابه الرئيسيه كانت مسكره وجنبها باب صغير لقينها مفتوح شيء بسيط
دفينا الباب انا وواحد من العيال ودخلنا

خويي يوم شاف في الحوش كورتين غير كورتنا ويحط رجله بيروح يآخذهن <-- ( غنايم )
عاد انا اصايح واضحك عليه اقول ( جاك جاك ) <- كنت ضامن ان مافيه احد لأن الجو هادئ

شوي الا الباب وراي (طع) انصك

يوم ألتفت الا العسكري واقف وراي ( اللي كان مستلم ) ..
وقف على الباب وخلانا على راحتنا
وعلى كبر الحوش .. ماندري وين نروح .. لأن المهرب الوحيد الباب اللي وراه
جينا وسلمنا أنفسنا عشان يطلعنا

المهم ..
ويحطنا في غرفه ويسكر علينا
ونجلس عنده تقريباً ساعه كلها طلايب و ( تكفى ياحضرة الضابط ) وهو ( عريف )

مافكنا الا مع اذان المغرب ..
كأننا طالعين من محكومية 10 سنين ..

واللي قاهرني في الموضوع كله ..
اننا في النهايه
طلعنا من الحوش ..

بدون كوره
8
8
يعني طلعنا [mark=#000000]رخوم[/mark] ؟!