[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعزيز الجناب وياكريم الوجه=جيت من خشيتك رهبه وخوف وحيا
جيت والذنب حرفٍ باالندم مسرجه=مانطقته فضول ولانطقته ريا
راح عمري على كل إتجاه أتجه=أتبع البرق لكن مالقيت الحيا
آخذٍ عبرة الأيام للتفرجه=وأبتسم وقتها بين الهوى والغيا
هكذا عايشٍ في حالةٍ محرجه=بيني وبين ذكر الموت قلع النيا
لين هزّت كياني نبرةٍ مزعجه=والنداء ياإبن أمة خاتم الأنبيا
كيف تعصى الكريم وتستمدّ فرجه=كيف ماخفت ربّك تقتل الأبريا.!
وإستردّ النفس صدري وقبل أخرجه=قال ماقلت لغز أدوّر الأذكيا.!
قلبك وعقلك ودينك هذا منهجه= ليه ضيّعتها حرصٍ على الأخويا..!
خوّةٍ من حجاب الدين متبرّجه=لو تريد الوفا ماالله رزقها أوفيا
عش بعقل آدمي ماهوب عقل (إ)نعجه=لاتعوّد غبي بمجالس الأغبيا
عبرة الموت سرّ تاب مستنتجه=نفس موت الفقارى ماتت الأغنيا
وياعزيز الجناب وياكريم الوجه=جيت من خشيتك رهبه وخوف وحيا
جيت والذنب حرفٍ باالندم مسرجه=مانطقته فضول ولانطقته ريا[/poem][/align]
|