[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل الجروح تفوح لولا المعاذير =وكم جرح له قلب المعاناه سكنى
ياصاحبي بعض المعاذير تخدير =ماندرك ألا بعد يقبل دركنا
حتى طروش البحر صاروا هوامير =وحنا على سطح الوطن ماملكنا
لو متر واحد يرفع الراس يامنير =بدوٍ على انفسنا ترانا ضحكنا
نقول حنا اللي نقود الطوابير =ومن دون حد الدار ياما اعتركنا
لوكان فيها ماملكنا دنانير =الفقر في دار الغنا منتهكنا
ماعاش فيها الا من يخاوي امير =ومن الطمع في حالنا ماتركنا
اكبر أمانينا (حياة المساتير )!=و من بعد ستر الحال نكمل نسكنا
حيث انهم عاشوا على دهنة السير =لاكبر مجرات السما في فلكنا
ياقبلة الاسلام يامنبع الخير=أي الدروب المعتمه قد سلكنا
اصبح فريق العقل ماله جماهير =والعلم يهدم كل مبنى وركنا
يبقى الامل مادام ابومتعب بخير =مليكنا اللي بالجمايل ملكنا
وجهه يشع من الرضا والتباشير =واكبر فخر نفخر به انه ملكنا
الوضع مزري يازبون المخاسير !=افزع لنا ولا ترانا هلكنا [/poem]