,

,


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا زين والله طرف خدّ السنافيه=من يوم هبّ الهوا من تحت برقعها
كنّي بـ/برق ٍ شلع في عرض وسميّه=وأدرج مساييلها وأنبت مراتعها
قصيدة ٍ من ثمان شهور منوّيه=أصدّ عنها وألدّ إلا وأنا معها
تاتي تحدحدني لوصف النداويه=اللي غلاها بصبّه في مسامعها
صب الدلال البغاديد العراقيه=اللي تنشنش مزاج اللي يقرطعها
منها وإليها نجيب الذود منقيّه=فيها من الزين ما يملا مدامعها
انتاج راعيّها ماهيب مشريّه=تطيعني لو أعيي عن مطاوعها
سخّرتها للنداويه / علانيّه=أقل حق ٍ بقوله في طبايعها
لولاي خايف من الله قلت : حوريه=من جنّة الخلد ربي كان نازعها
جمالها ما خبرت احدٍ معه زيّه=من حد خصلة شعرها لين اصابعها
وطبوعها لو بقول : آيه سماويه=ما اخطيت في سنّة ٍ خابر شرايعها
والله لو انها تجي سلعه تجاريه=راحت محلاتنا سِبّة بضايعها
انشهد انها على روض الكرم فيّه=يكّفي ضلالها لآخر مرابعها
كم واحد ٍ عندها لوّح بأياديّه يا سِعد من سلّطه ربي يتابعها
ريحانة ٍ في روابي نجد محميه=حمّايها دونها ينساق بايعها
انثى .. ولكن مواقفها معي حيّه=اللي على ثقلها تفقد روابعها
الحق .. في ذمتي ماهيب عاديه=وإلا لو انها ( كذا ) ما كان بآآآسعها
خذيتها عشق مرّي عند مرّيه=حتى لو ان طابعي ماهوب طابعها
لكن لو ان فيه امل واحد من الميّه=والله ليشفى غليل ٍ كان جايعها
كذا تولّعتها مالي بها نيّه=والشاهد الله علي ان كنت طامعها
انساق مبلي وهي تنساق مبليه=كني بعد بعثرتها جيت اجمّعها
الله يدمح هوانا كان به سيّه=ويصفّي النيّه ويشخل منابعها
[/poem]

وسلامتكم ,,

,