[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الغلا في خافقـي يبكـي عليـك=وقلبك القاسي يسبب لي هـلاك
وردة الجوري عطشها يحتريـك=اسقها من نبعـةٍ منهـا سقـاك
من زلالٍ ينهمل كيـف ارتويـك=عل زرع الصدر من غيمة سماك
صدر مغرم ضمّته من ساعديـك=له دواء والـف بيدينـي وراك
جمّع اشتاتي وحدد لـي واجيـك=لو تروح الروح من شانك فداك
الوفاء والوصل حبله في يديـك=ماهقيت انك تمادى فـي قسـاك
لاتبيع اللـي بعمـره يشتريـك=لك وطن بحماه لا تبعـد حمـاك
بالغلا ماعاد لك عنـدي شريـك=يوم طير الحر صدتـه بالشبـاك
طالت الايام بأشـواق ارتجيـك=وصلنا باقي وكيف آرد لـمـاك
نجمةً في ليل كيف آصـل إليـك=من ردات الحظ ماياصـل مـداك
والله انك لو تقول اني ما ابيـك=لاحرقه بالصبر قلبي لو رجـاك
ارتجلت القاف لو قالـوا ركيـك=المشاعر نطقهـا مابـه ركـاك
المشاعر ماتبـي هـذي وذيـك=كل ماتخفِ المشاعر جاك جـاك [/poem]
|