|
..,,.. مركب الحلم ..,,..
[poem=font="Simplified Arabic,5,black,bold,normal" bkcolor="transparent" bkimage="" border="inset,4,darkred" type=1 line=0 align=center use=ex num="0,black""]
الا يامركب الحلم القديم اللي بدون شراع=يلاطمك البحر والموج عاتي وانت فوق الموج
تصدّرت المراكب بالطموح اللي غدا جزّاع=ليا منه قضى من فوج هم يجيه عقبه فوج
انا يامركبي لي حلم واحد والقدر منّاع=ولكن الامل يبني على الحلم القديم بروج
وانا فوق البروج اخيل حلمي والصدور وساع=وراع الهرج عندي له على بعض الهروج هروج
ولا لي بالوطا عيني تعاين دوم للمطلاع=واشوم اليا لقيت الحلم في تال الدروب العوج
انا يامركبي بقنع ولاكن الزمن طمّاع=خذا خيل الاماني لين صارت هالحظوظ سروج
تقاضيت الثمن يوم الزمن للشاري البيّاع=وانا مالي مع انتاج الزمن يامركبي منتوج
احاسيس البشر لو رتّلَت تطرب لها الاسماع=وانا رتّلْت لك حزني شعر من خاطري منسوج
قفل باب العطا قدمي وانا قلبي عليه الْتاع=وله بابي على مر السنين من العطا مهجوج
تحاليت السموم و سم حظي قلّب الاوجاع=وعنّيت القدم في مَهْمَهَ الدرب وكثير الدوج
ولا حصّلت غير جروح صانتها هنا الاضلاع=وقصيدن يطِرب السامع .. لو انه بالحزن ممزوج
[/poem]
يالهاجري راحت علينا ونا امّك=لا عاد تنشد كيف راحت علينا..!!؟
الهم همّي ماهو الهم همّك=حنّا ضريبه للزمن وانتهينا..!
اسمع خلاج القلب لا جيت اضمّك=يْنوح من جور الزمان ابتلينا
أفدا انا روحك وقلبك ودمّك=ياللي بك الدنيا تنير وتزينا
Ask me
صفحتي بالتويتر
|