[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مادريت ان الهوى يخلـف العقـل السليـم=ليـن جربتـه وذقـت المـرارة والحـلا
اشهد اني كنت في مبتدى الرحلـة غشيـم=رحلةٍ خلتنـي اضيـع فـي وسـط الخـلا
اتصبّـر واتجبّـر واقــول الله كـريـم=واتناسـى واتسـلـى وقلـبـي مـاسـلا
عـادة المغـرم غرامـه معلـق فالغريـم=لعنبوا مـن لامنـي فـي غرامـه يامـلا
واحـدٍ ماشفـت مثلـه يجيبـن الحريـم=كمّلـه ربـي وفـي كـل شـيء امكمـلا
لاوقـف ماياقـف الا بوضـعٍ مستقـيـم=وان جلس جلسة ملك يطلب الشعب الـولا
وان مشى شـد انتبـاه المغفـل والحكيـم=من ثقـل ممشـاه كـن المكـان مزلـزلا
ويش اوصف ويش اخلي من الشيء العظيم=ما بغيت اجيب لـي وصـف فيـه مقـولا
لاطرالـي قـام يدفعنـي ابليـس الرجيـم=التفـت فـي ذكريـات المـودة والـغـلا
آه ياوقـتٍ مضـى وآه يالحـب القـديـم=وآه ياقلبٍ مـن الحـب و الشـوق امتـلا
ياحسافة ضاع حلمـي علـى راي الحليـم=واستصبت وصابني عقـب فرقـاه البـلا
اقفت ضعونه وانا اخذت ضربة فالصميـم=لكـن المكتـوب يامرحبـا بــه يـاهـلا
راح والذكرى كما النار والخاطـر هشيـم=كل ماشبـت طلبـت الولـي جـل وعـلا
يلطف بحالي ويرفى لـي الجـرح الالئيـم=ويرحم اللي تحت ظغـط الظـروف مكبـلا [/poem]