يافريد الوصف عندي لك سؤال
ليه كل الطرق في دربك تمر ؟!



ليه كل ما تهت في نسج الخيال
القصايد فيك . . تجبرني جبر !



من تفارقنا . . وخطواتي هزال
ياسبب كسر(ن) بـ شوفك ينجبر



عانها مزنة وصالك لا تزال
ترعد , وتبرق . . ولكن لا مطر !



راجي(ن) وصلك , ولو إنه محال
والمسافه بيني وبينك سفر !



كيف ابنسى وأنت عندي راس مال ؟
راس مال إن ضاع ! .. كل شي يهدر



صاحبك حاله من صدوف الليال
حزن , واوجاع , ومعاناة , وسهر !



صاحبك حاله ترى ماهو بـ حال
يضحك بساعه / .. وضيقاته دهر !



الفراق أقوى الدوافع للوصال
والوصال محال / والفرقا جمر



إن بغيت أكتم جروحي بالمقال ؟
بينت فالصوت نبرات القهر !



القصايد أدبرت والحظ مال
والصبر .. ماعاد باقيلي صبر



العمر مره .. ولا فيها جدال
وفرصتك تاتيك مره بالعمر !



إن بغيت وصالنا . . هاك الوصال
وإن بغيت فراقنا . . ( دربك خضر) !




,