مستور الذويبي

في رثاء ابن عمي /سعود سعد الذويبي رحمه الله
[poem=font="Simplified Arabic,5,white,bold,normal" bkcolor="black" bkimage="" border="none,4,black" type=2 line=0 align=center use=ex num="0,black""]
ينتثر دمع ..وينك ياخدود؟=ينثلم عزم وينك ياجدى ؟
ماعلى الهم والاحزان زود= ينتهي حزن والثاني بدى
ضاقت بناظري كل البدود=كيف أباأشوف لاضاق المدى؟
بعد ما جاوز الحزن الحدود=أثقل ..أثقل من جبال الهدا
كلما ضقت به لله أعود=حاني الراس ..ممدود اليدا
حامده بالركوع وبالسجود =دام ماللنفوس إلاّ الردى
قلت: يالله يامحصي الوجود =ننتهيبك ..ومنك المبتدى
يالطيف بعبادك ..ياودود=دلّنا الخير ,,ودروب الهدى
وألهم الصبر والسلوان عود =شيخ مؤمن لوجهك يسجدى
كل ماقال :وينك ياسعود؟= لجّ باقصى المعاليق الصدى
وارزمت لابروق ..ولارعود =وأمطرت وجد ..والحادي حدا
لو لعيني عن الذكرى صدود =كان ما ظلّ نجمٌ واهتدى
في مآثرك ياعرب الجدود=ياقدانا ليا ضاع القدى
كنت من قلَ ما مثلك يجود =مدّتك غيث..وكفوفك ندى
بالعزايم تقود العلم قود =موقفك صلب والقوم إعددا
مايبي لي على فعلك شهود =حامي الدار لطّام العدى
تختصم بالصوادر والورود=كنّك الليث لامنّه عدى
آتذكرك واصدح بالوجود=وجد شايب على غالي غدى
ياوجودي ..ولو بالوجد فود=فوق وجدي تجي روحي فدى
من وفاتك تقافن السعود =وأغلب أحلامنا ضاعت سدى
جعل مثواك جنّات الخلود =ظلّ جنات قمريها شدى
ولاّ انا باهدي الدمع الخدود =وآتصبر ليا ضاع الجدى[/poem]

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ