بعد التحية اليكم هذه القصيدة التي القيتها قبل ايام في حفل تخريج طلبة الكلية الحربية من قبيلة عتيبة بحضور ورعاية صاحب السمو الملكي الامير : سلمان بن سعود بن عبد العزيز :

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


يابيوت الشعر والموقف علي إلزامي=إستعدي وإستمدي فكرتي وإلهامي


روسنا حية ووقفات النشاما حيه=أرزمت مزنة قصيدي والوعد قدامي


ماحضرنا غير تقديرن ٍ لكم ياعتيبة=يوم جتنا دعوة ٍ من يوسف الغنامي


ياسلام الله سلامن يشمل اللي حاضر=خير مبدا للرجال وسنة الإسلامي


بعدها أبارك تخرج دفعة الحربية=حي من جد ووجد وانتج وحظه قامي


يامقابيس اللضا ياعز جيش الدوله=ياكعام المعتدي ياغده الأخصامي


تستحقون الثقة والمنصب المتعلي =وأنتم أهل الأوله في كل مطلع عامي


ولاغرابه فأنتم سلاله زحول عتيبه=فعلهم منصب وموقفهم شهير وحامي


أستهل المجد بسماكم قال وردد=ياشموخ النير ياهيبة طويق الزامي


يامنارات الحجاز وياضيا تاريخه=ياحمانجدالوسيع الشاسع المترامي


ياقرانيس الحرار اللي تهوم العالي=كل ما انقضت تخلف كل جرحن دامي


ياسحاب الجود يافيض البحر وأمواجه=من لفاكم حصل الترحيب والإكرامي


البيوت العصم جت من خاطري منقاده=درهمت في مدحكم والله ماتلامي


مدحكم يطلق لسان الشعر واللي قاله=وإسمكم دايم حليف لسبعه الأنعامي


ياعتيبه مدحكم طيب وجميل وطاله=زادني ولانقصني في ورود أعلامي


مدح أهال الطيب ماينقص كيان الطيب=مادام إن زرع الثقه في نفوسنا متنامي


وأنا من قومن لهم في كل قمة رايه=صفهم يوم إعتلاج الخيل ماينضامي


أتنومس وأفتخر يوم أنتسب في غامد=ذخري وفخري ودرعي في الزمن وحسامي


أهل تاريخن شهر حتى ظهر مفعوله=من صدر الإسلام يطوي صفحه الأيامي


واللوا اللي بسمنا في القادسية شارك=خير شاهد للظفر والطيب والإقدامي


والله إن راسي ينوش الغيم يوم أذكرهم=ويوم أمثل صلب جداني صلبت عظامي


اعتزي فيهم ولامني ذكرت أحدهم=سيف عنتر في يميني والفشق في حزامي


والنعم والإحترام لكل قوم تذكر=والقبايل بالجمايل وافيه واحشامي


تحت بيرق من شلع عتم الليالي نوره=ووحد شتات الجزيره وابعد الأوهامي


عاش حكم ملوكنا أهل الشرع وأهل المله=عزوة العوجا وهيبات المقام السامي


وأسمحولي يا مطاليق العرب في كلمه=لو تسابق في قنس بتحطم الأرقامي


والله إن تقديركم في خاطري ياعتيبه=مثل ودان المزون وذعذعه الأنسامي


جمل الله حالكم في كل يوم وليله=وجمل الله حال اخويه يوسف الغنامي[/poem]