[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انا قبلك عطيت من القحوص ثنين وثنيني=ولاكني اميّز قبل امد المدّه / الحاجه
واعرف اللي حداه الوقت واظهر وجهه الشيني=واعينه واتزهل له وانا مانيب محتاجه
ويوم انك زهمت وقلت حاد الوقت حاديني=تزهلت ونويت اعين ضيقك وابدي افراجه
ولاكني ماحب اللفلفه ياحادي البيني=تعدّتك المعزه والغلا ما ماجكم ماجه
بعد جتني علومك ماش شي اليوم خافيني=مسلسلك القديم اللي تعده هدّك اخراجه
مدامك تستعد لسفرتك يامصيّف الديني=وصيفك ناوين تقضيه وسط النيل وسياجه
وتبا تنزل على بلودان في سته وعشريني=تواعد كل عذرا في بلد قلبك وش انتاجه ..!
تهايط ماتهايط كلها ماعاد تعنيني=تركّد لا يقلّبك الزمن لاقشر على صاجه
ابقطع كل حاجه تربطك مابينك وبيني=وابي تنسى رقوم الهاتف الجوال وابراجه
وقافك حدني للقول هذا في دواويني=لو اني مانويت اسبب لهاجوسك احراجه[/poem]
|