|
ابوي ينخاني من الشر وانخاك
السلام عليكم ورحمة الله وبركاته
قبل عدة ايامٍ اشتد الالم على الوالد ونحن في مستشفى الملك عبدالعزيز التخصصي بالطائف فعزمت على نقله الى مستشفى الملك / خالد بجده ولكن ليس عنده ملف هناك فقمت بالاتصال على الشاعر/ فهد بن احمد بن صافي الذبياني حيث كان يعالج ابنته هناك فوجدته في جمهورية سوريا وكلمته بالموضوع فقال ابشر سوف ارسل لك رقم الاخ / ماجد الذبياني وانا بكلمه فاتصلت بماجد وشرحت له الوضع وقال ابشر سوف اكلم واحد له علاقه هناك ورايح ارد لك خبر. فكتبت هذه الابيات انخاه فيها لعله يدرك المطلوب وارسلتها له على الجوال.
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تكفى ياماجد فزعتك لاعدمناك=تراك من قومٍ لهم فالزمن صيت
من روس قومٍ طيبهم ثوب يزهاك=ذبيان يانعمين بالحي والميت
في رأي شيخٍ سعد من جاله وجاك=الكل منكم لانخي نعم نعتيت
فهد ولد صافي بنا اكيد وصاك=وانا ادري إنك مجتهد ماتناسيت
من طيب راسك دلنا لك وجيناك=إفزع بجاهك عند من به تهقويت
أبوي ينخاني من الشر وانخاك=تكفى ترا من جضته غصب جضيت
الناس تمرح وانا وياه فاعراك=اسبوع ماليله بنومي تهنيت
نبي مدينة خالد الله يجزاك=بالخير ساعة يصبح القبر لك بيت
عسى وليت إنحصل اعلاجه هناك=افضل من الطائف عساه الدناميت
تكفى ياماجد فزعتك لاعدمناك=تراك من قومٍ لهم فالزمن صيت
[/poem]
المعذره من الجميع فهي رسالة جوال وابيات متواضعه لكنها جات في وقتها واللي اتمناه منكم هو الدعاء لوادي بالشفاء .
|