[poem=font="traditional arabic,7,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

الصاحب اللي صحبته حسب الاخلاق=ساعة معي طيب وساعة معي شين
اليا نخيته قام يحدا وينعاق =وانا احتزم دونه بوقفة وجنبين
ان كان فلل خزنته ربح الاسواق =انا رصيدي ملحقين المخلين
اللي عوائد عرفهم رفع الاعناق =عونٍ على الدنيا وعون ٍعلى الدين
الرفقة اللي ساسها غش ونفاق =تهدم مبانيها رياح الخماسين
أما على مبدأ الشرف تاقف الساق =للرفق حق وللصداقة قوانين
والا مراويح القطا وقت الاشفاق = يالصحبة اللي حدها يوم واثنين
لاصار ماللرجل كلمة وميثاق =ادرج على اسمه واشطبه فالعناوين
راحة ضمير ولو على هجر وفراق =أتحد من ضغط الدماء فالشرايين
أخذت من درس الزمن والزمن شاق =تتعب متاهاته رجال مسمين
اخذت درس حافظه حفظ الأحداق = اراجعه من قيمته كل يومين
من طاب دله قابله طيب وعناق = يلقى من التقدير فوح الرياحين
ومن شان دله في ثمانين طقاق = لو هو قريب لي ومن عد الأدنين
[/poem]