[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] قل وش أسميك يا جراح ... يا مداوي = لا أنت متواصل معي ولا أنت مقطوعي!
يامن على الجرح مستبسل ومتقاوي = مسلم .. وطبعك يهودي .. وفكرك شيوعي
يامخزن الزاد .. يا المملوء والخاوي = كل ماكليتك يزيد إحساسي بجوعي
لك منزلة فكر .. ما أحد ٍ معه متساوي = مفشل ٍ فيك تخطيطي ومشروعي
أجيك عندي مواضيع وحكي راوي = وأروح مدري وش أصلا ً كان موضوعي
ياكسرة العود .. والكمبود .. والجاوي = ياكل مالجمر يصلا أطرافه يفوعي
يامحترف في الغياب وفي الوصل هاوي = لك طلةٍ ماهي بشهري .. ولا اسبوعي
تغيب ! ولا أدري بغيبتك .. وش ناوي ؟ = وأنا على غيابك أسهر راكز ٍ كوعي
قلبك حجر .. صرت ماترحم .. ولا تاوي = تضحك من الجرح .. وأنا أمسح دموعي[/poem]