خل الكلام يدور بشفاه الأيام
لكن على التصديق عطني دليلك

ياما رسمت اشفاه بدموع الاقلام
ويا وقفت اجمع دليلي واجيلك




وكم مربي ما يشبه انفاس الايتام
وكم قلت لك ماتوا يتامى خليلك

وكم تكتب الهامش مبادي للأحلام
وكم قلت لك واقع .. متى تشد حيلك

وكم قلتي يا ما الحقايق من اوهام
وكم قلت لك زود على البن هيلك

لكن حرقت بنار الامال الاقدام
وقلت الوداع.. ومرني وفع خيلك

ومالي على التكذيب يا صوت الايام
الا صدقت.. و جيتك اوفي جميلك