[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تغيب وتعوّد بعد طول غيبتْك = بآقي على حطّة يدي ويدينك
ان مانقصت يزيد نابع محبتْك = منجّم عطايا مايوقّف ثمينك
لاقلت آلو : ذوّبتني باارتباكتك = وانعشتني واحييتني بقول : وينك
وانت اتخبرني ماتعدّيت مهجتك = اقرب لك اكثر من نَفَسَك وقرينك
والطف واحن من البراءه حفاوتك = وآرقّ من بسمتك همسِك : هوينك
شوقك يسابق من لطافتك نبرتك = خليت ترحابي جفا من حنينك
ونبرتك لو شوقك غلبها بطيبتك = آنا افهمك من بحتّك ياعوينك
لكن جديدك مايبشّر بطلّتك = آشوف عج الوقت في ناظرينك
حزين حزنك سطوته في بشاشتك = ودمعك يخضّب من آسى راحتينك
ورمشك كسرته وارتخت معه نظرتك = والخد واسمِته انامل يمينك
سلامتك ياعل تبطي سلامتك = عسى العنا يملا سما حاسدينك
لاتشرح احوالك وانا اعرف علامتك = لو اني ادري وش منكّد سنينك
اللي مضى خلّه تحت باس وطيتك = وانسِه لو النسيان ماهو خدينك
الذنب ماهو ذنبك ان صحت صيحتك = لو صيحتك تنجي خنقها ونينك
سكين جرحك ضرّتك من توّلتك = عيّت تجف وبّلها من وتينك
انا معك من هامتي دون هامتك = وانا معك من شوكك الياسمينك
وانا معك من فقدتِك لين ضمتّك = وانا معك من جيمك الين سينك
وانا معك من غفوتك لين صحوتك = وانا معك من شككّ اليا يقينك
وانا معك من معطفك لاقلادتك = وانا معك من كحلك لشفّتينك
وانا معك وافي ولا اخون عشرتك = يامعزّب ن مايوم تشكي زبينك
ثابت معك كرامتي هي كرامتك = وتخسى الظروف تحول بيني وبينك
اثبت لك اكثر من حمارْك بوجنتك = واصدق لك اكثر من قصيدن يزينك
ولا غيرك الملهم لشعري وصورتك = محفورةن في خافق ن مايهينك
لا احتجتني سخّرت كلي لراحتك = لأنك لي السجّان وانا رهينك
وقبل احتياجي توتك وقَطْف وردتك = خوفي على احساسك قبل رمشتينك
رغم انك افتن من رأت عين بدتّك = على الجمال اللي زهى خود طينك
سبحان من بدّع ولا شان خلقتك = وخلاّ اجمل الاشيا بزينك : تشينك
وقد قلت لك قول ن يبرهن غلاوتك = وصيةن ماقالها والدينك
الحزن. وانياب المواجع. ودمعتك = ثلاث ماابغاها تبيّن بعينك
لآنك تبعثرني شقا في كآبتك = واروح اعززّ بالتفاءل معينك
ارجوك فل احجاجك وفك ضيقتك = وارتح على سندس يِخدْمْك مدينك
وانا معك من دمعتك لين بسمتك = آقرب من الغرّه لاحبّت جبينك [/poem]
|