السلام عليكم ورحمة الله وبركاته

اخوتي واحبتي
يعجز الحرف عن شيئين
الاول تقديم الثناء لكل من شرفني واكرمني في الفتره الفائته بتواجده او اتصاله او مراسلته
واسال الله ان يجزاكم خير الجزاء وان لا يريكم مكروه
والثاني ان اضع مقدمه مناسبه لهذه المتواضعه .. فتقبلوها بكل ما فيها

قبلها وبعدها اسال الله ان يكرم نزل والدي ويجعله في جنة النعيم وموتى المسلمين اجمعين
انه وليّ ذلك والقادر عليه

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
واشيب عين القصيد وقلّ جهد الخطاب= اعوذ بك من دواعي حسرتي يامعين
امنت بك وانت مهدينا لما فالكتاب = واذعنت لامرك وسجّلني مع الصابرين
في حزني اللي على قلبي فتح كل باب=من وين اببداه فالتوصيف وانهيه وين ؟
بالعين عبره ومن بين الحنايا صواب=وبالحلق غصّه وفي صدري يجول الونين
ماعندي الا السؤال ولا لقيت الجواب = تعبت اعيشه وحنّا كلنا ميتين
ويافقد ياللي فقدتك ليت عزم الركاب = روّح بنفسي لجل تبقى مع السالمين
ياوجد روحي وانا اواريك تحت التراب = وياصرم حالي وانا مقفى وخاوي يدين
ان مسك الضّرّ رحمه يا عزيز الجناب= ما غيبتك المنييه وانت ذكرك يبين
الدمع لجلك من عيون الاجاويد ذاب =ولا فيه قلبٍ عرفك الا لقيته حزين
بكوا عليك العوارف واهل حفظ الكتاب=واللي تولتهم الايام والمعدمين
اكرمت نفسك بنفسك وانت توّك شباب=ما سرت يومك قوي في سكة الغافلين
ماعاد بيديّ لك غير الدعا المستجاب= ومواصل اصحابك الوافين والطيبين
هذا شهر والكفوف مواجهه للسحاب = والعمر كله بيدعي لك وانا اقول امين
الله ينجّيك من هول القبر والحساب = ويجعلك فوق الصراط من اسرع العابرين
والله يهون عليك ولا تذوق العذاب = ويدخلك في جنته مع زمرة الصالحين
والله يعلّي مقامك بالعطى والثواب = وتخاشر الاكرمين بمنزل الاكرمين[/poem]