"لحظة" بسولـف وأنـت خلـك مستمّـع
ـــــ ما ابيك في موقـف هجـوم ولا دفـاع !
سياسـة التطبـيـع والــدم والقـمّـع
ـــــ تخلـي الأنسـان يلبـس لـه قـنـاااع
فـلا تشـدك ضحكـه وحـزن ودمّـع
ــــــ ولا طويـل ذراع ,, وقصـيّـر ذرااع
خلك كـذا / وتعيـش داخـل مجتمـع
ـــــ الناس فيه تعيـش فـي حالـة صـراع
ومن التعامل .. حاول أنْك تكـون مـع
ـــــ الصح والمعقـول .. قـدر المستطـاع
المسئلة ماجات .. من طـررح وجمـع
ـــــــ إلا مـن الخبـرة وكثـررر الإطـلاع
بتشوف حب .. وكره .. ونفاق .. وطمع
ـــ وميّز دروب الحق / ودروب الضيـاع
وأعرف إذا نجمك .. على الدنيا / لمـع
ــــ إنك سبع واللـي حوالينـك .. سبـاااع
في ظلمة الليل .. أشعل أفكارك (شمع)
ـــ موت الجبان .. أشد من موت الشجـاع !
مرحبا بالشعر الاصيل والشاعر الفذ
يا فالح لله درك ودر ابيك شاعريه خيال ولغه تمكن بكل اريحيه تنساب المفردات مرتاحه
حتى ان وقفة الصدرحرف ساكن وقد يكتب الكثير من الشعار على حرف واحد ولتمكنك
ثبت مع واعطا النص جمال بديع
صح لسانك
تحياتي واعجابي من الوهله الاولى اي والله صح لسانك
|