احبك من الرضى لاسلوبك الجاف
واقسى طباعك لها فالقلب قيمـه
اشغلتني عن همومٍ مالها اوصاف
بهموم حبك عسى ربـي يديمـه
اتركني اعيش صمتك مابه خلاف
يكفي تصون المواثيـق القديمـه
معك على نبتة الاحساس ماخـاف
تعلهـا كلمـا احتاجَتـك ديـمـه
لوماتعبر عن المكنـون ينشـاف
اسكت مادام ان تعبيرك جريمـه
هذي طباع البدو من عهد الاسلاف
بقلوبهم صبّـت الدنيـا العزيمـه
مايكشفون الضمير لكـل كشـاف
واسرارهم في حناياهـم مقيمـه
الله الله الله يالفجر البعيد
للشعر هنا حكاية من التفرد والابهار ..
وهذا ما تعودناه منك اختنا الكريمه
صح لسانك ولاهنتي
تحيتي واحترامي
اخوك
|