ارجو ان تنال استحسانكم وترتقي لذائقتكم


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ياقلب لاتحزن ولايلحقك ظيم=مادام في هالوقت ناسٍ حشيمه

اللي ليا جات اللوازم مقاديم=يرسون لاجات الظوامي محيمه

وفعولهم تشبه لوبل المراديم=باارضٍ لها تنظر بعينٍ رحيمه

صبه عليها مثل صب المرازيم=وجاها الحيا من عقب ماهي هشيمه

تذاكروها الناس واهل المجاهيم=حالو لها والخيمه بجنب خيمه

هذا مثلهم دايم الدوم ومقيم=وسط الحنايا صار جارٍ لظيمه

وكلً يبا قرب الحرار الصواريم=في موقفٍ فيه المصايب وخيمه

اهل الوفا والطيب ربعٍ شغاميم=ماهم من اللي يعشقون النميمه

يدرون بالنمه طبوع الحراريم=ومن الرجال اهل العقول الغشيمه

اللي ليا جو فالمجالس نمانيم=وفي سبة الغافل يبون الغنيمه

واللي حظر يحط نفسه ورى الغيم=ويقول أنا اللي مالك شداد ريمه

مايدري أنه ماسوى ربع مليم=وحياة مثله فالمواقف سقيمه

وياقلب وان حدك زمانك على الظيم=أصبر وكابد فالحياه المحيمه[/poem]



وسلامتكم

راقت لي كثيراً في شريط حي صوتك للدكتور الحاضر الغايب سداح

-----------------------------------------------------------

لاتنشدنـي وأنـا مالـي ومـال النّـاس يـا فـواز
خـلـيـط أشـكــال والأزوال تـعـبـانـه ومـرتـاحــه

علامـك قـمـت تهـمـز لــي تــرا الهـمـاز واللـمـاز
مـا أحـبّـه لــو يقلّـدنـي وســام الـمـدح بأمـداحـه

تناقشني عن الساحه وعن ما يعـرض التلفـاز
وأظـنّـك تعـلـم أنّــي بالـثـلاث مطـلّـق السـاحـه

أعرف الشاعر الجيّد .. وأعرف الشاعـر الممتـاز
وأعـرف الشاعـر المقبـول مـن ثوبـه ومسبـاحـه

وأعرف الناقد الصامت .. وأعرف الناقد الهزاز
وأعرف الناقد اللـي مـا يـرّن إلاّ علـى الراحـه !

وأعـرف أن الكسيـره مـا تقـوم إلاّ علـى المعكـاز
ولـو حطـوّا لهـا ساقيـن مكفـولـه عــن الطـاحـه

نقـاشـك وفّــره لا تخـسـره والعـلـم مـــا يـعـتـاز
لك الله .. ما قفلت البـاب لأجـل أعطيـك مفتاحـه


د.سداح


.

.

.
Orumte@hotmail.com


للتواصل عبر تويتر
twitter:@Adel3322