منتديات المرقاب الأدبية - عرض مشاركة واحدة

13-09-2010, 04:38 AM

[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center]

مساجله بيني وبين الشاعر سلطان بن حامد .
سرقتها من المواهب وجبتها هنا

بعد أذنك يابو حامد

البادي سلطان

[poem=font="MS Dialog,5,silver,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يوم أنت يا محمـّد للأسرار صندوق = تعال هاك رسالتي وإحتضنها
رسالة ٍ ينبض بها كل ّ معلوق = لحروفها نغمة حزن من حزنها
يا محمـّد أشكي لك من الولف والشوق = وجروح روح ٍ عزّرت في بدنها
قلبي غدا ما بين عاشق ومعشوق = روّح ضحيـّة فرصة ٍ ما مكنها
العام ساقتني حظوظي على السوق = ولقيت فيه اللـّي جذبني لحنها
حمامة ٍ تلعب على كل ّ طاروق = بغيت أجاوبها وذلـّيت منها
أخاف يا ابن عون لا أصير مسبوق = وألا الرهن يمديني أكسب رهنها
واليوم جاني علم والعلم موثوق = قالوا محمـّد جرّته في وطنها
عطني خبرها ولك من خيرة النوق = وضحى ً يسوقون الذهب في ثمنها
إمـّا عديت بجمع برقى على روق = وألا قنعت وجزت وأقفيت عنها[/poem]

ردي على أبو حامد

[poem=font="MS Dialog,5,silver,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاحت على شاشة تليفوني بـروق = رسالـة ٍ ياحلـو نغمـة شجنهـا
عنوانها رقم التليفون مـن فـوق = ومضمونها شكوى ً مع اسمي قرنها
سلطان بن حامد من الحب مرهوق = والشوق يآمر وسط قلبـه وينهى
قلبه خضر ويهزّه الشوق برفـوق = ومشاعره في وسط قلبـه سجنهـا
يقول قابل داخل السـوق مخلـوق = يسكن بنفس الديره اللـي سكنهـا
واللي يطب ّ السوق لا يآمن العـوق = كم واحـد ٍ طبـّه وكبـده غبنهـا
وسلطان هام بحب لبـّاسـة الطـوق = اللي حمار الـورد يشبـه وجنهـا
رعبوبة ٍ من دونها الباب مغلـوق = ولا تجيـه رسالـة ٍ مـن لدنهـا
هاذيك ياسلطان مـن حبـّهـا فـوق = تراه مختلـف ٍ ضعنـك وضعنهـا
ماكل مطرود ٍ من النـاس ملحـوق = قبلي وقبلك واحـد ٍ قـد رسنهـا ! [/poem]

.[/ALIGN][/CELL][/TABLETEXT][/ALIGN]