40
بينه وبين العطاوي
يقول / عبدالله
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
ياعين ياللي كن يلطمك عاير=والنوم عنك مغيباتٍ سبوره
لك وقت مازارك من النوم زاير=كن المداوي حاذف ٍ بك ذروره
ماهوب عشق ٍ فالبني الخداير=والا جفيـّا قوم والا ضروره
سهرك على بعد النديم المساير=ما أنتي بسالية ٍ بليا حضوره
مادام ابو نواف يم الجزاير=على عيافك للنعاس معذوره
من يوم غاب وهاجس الفكر حاير=وكن الرياض محاربتني قصوره
انا على المسيار يمـّه مصاير=اشفق من الصايم لعيد الفطوره
اجيه قلبي ممتل ٍ بالحشاير=ولا افقد مزايم ضيقتي لين ازوره
متى تجينا يانزيه السراير=ريف الرفيق ليا شكا لك عسوره
يامن بنى لرسوم حاتم مناير=بروح ٍ على بذل الخساير صبوره
لا قطبت شهب السنين العساير=يمناك بـأفعال الجميل مخبوره
ياشيخ يشكي لك غليل الضماير=على غرام ٍ زل وقته ودوره
متى تعود ايام غرّا وباير=وابو عمود ليا غشنـّه زهوره
ليا ادلى عليه من الوسامي نداير=براق مزنه يفضح الليل نوره
وانته معك خطو اشقر ٍ ما يخاير=عقب الوحاشه صاير ٍ به جسوره
يشوت خطو الخرب دارج وطاير=كما يشوتون اللواعيب كوره
نبي نجددها على الحول داير=ودرب ٍ نبيه يسمح الله اموره
يقوله اللي ماحسب للتجاير=وتجارة تقصر عن الروح عوره [/poem]
رد / العطاوي
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
كبرت يابو نايف عليك الصغاير=ونفسك من الضيقه عليك محشوره
ان كان عينك نومها عنك طاير=عيني بعدك الدمع الازرق تفوره
ياشيخ ياللي ماتدوس الوزاير=دنياك عن شف الجميع معسوره
لو هي على كيفي وكيفك تساير=كان جمعتنا دايم ٍ يالمجوره
نفيت حب منقضات الجماير=وعينك عليـّه بالسهاد مخشوره
العام تشكي من ظبي الزباير=وكبدك عليه من الغرام محروره
يشهد عليك مخاطبك للحضاير=في مربعه هاك السنه ياخو نوره
تشكي على مرشد قوي النصاير=دامي غرامك لين هاجت بحوره
يوم ان طوفانه تعدى الحكاير=انكرت حب اللي عليك محجوره
وانته دموعك فوق خدك عباير=يا عبيد ودك قبل ازورك تزوره
عانك على كسرك تصب الجباير=على المحاني موجعاتك وسوره
دايم محاريفك صعاب ٍ صخاير=من مغنطيس الحب معنى وصوره
من ذاق من حب العذارى عزاير=يور الجلد والنفس منه مخطوره
لو من يحبه ذاق منه النكاير=دايم وزلات الحبيب مغفوره
والصيد باق ٍ له ليال ٍ قصاير=ودحيم في شفك يدهل طيوره
كانك تبي فرقا طوال العماير=ودك بصيد ٍ مخلي في قفوره
اعزم عسى دربي ودربك سفاير=وطرقتك من مرشد تصير محضوره
نجد العذي مدهل سهاف العشاير=ماحدرت سفوه لوادي سروره
فيها لقلبك يابو نايف ذخاير=ونفسك عليها بالغبون محسوره
ومرشد على سيف البحر بالنقاير=دون الدبادب ماتعدى نشوره
يمه هجوسي كل يوم ٍ سباير=تقود نفس ٍ من غلاه معموره
دايم وقلبي يم ابو سيف طاير=مثل الربيب ليا دعوه بنقوره[/poem]
يتبع ..
|