محمد بن عون

ملابس العيـد يـوم العيـد مطلوبـة
غترة وثوبٍ جديد وبشـت وعقالـي
فالمشهد اللي يروحون العرب صوبه
تسمع لهم مع صلاة الصبح ولوالـي
كلٍ تلبّس وجـاك يمسّـس جنوبـه
مشتـال سبحـة ونظـارة وجوالـي
ما غير موضات والموضات مرغوبة
والاّ الحقايق تراها عكس الأشكالـي
لو كلّ واحـد تعابيـره علـى ثوبـه
تشوف لك شيء ما يخطر على البالي
كمْ ناس تلبس ثياب العيـد مقلوبـة
تعبير عن ما نعيشه وقتنـا الحالـي
ما عاد للعيـد فرحـة عندنـا نوبـة
ما عاد له فرحة الاّ عنـد الأطفالـي
الناس صارت تجي للعيـد مغصوبـة
ولا يعايدك غيـر الصاحـب الغالـي
عايدك ثم حـكّ عرقوبـه بعرقوبـه
سلام وإلى اللقـا فالمشهـد التالـي

أشهد بالله أنه واقعنا الحقيقي .


تاريخ كتابة القصيده 08-12-2008, 09:14 PM

واليوم 17-09-2010 , 01:45 AM

والحال على ماهو عليه .

الأكيد المشكله في الناس أنفسهم وليس في الوقت


وصل العطياني

صح لسانك ولله درك

تحياتي وتقديري