:
( مجرد محاوله )
عندك خبر؟
انّي في هالليله وحيد
وانفاس هالليله جليد
واحترّ قلبي .. والسبب !
طيفك عبر !
ليته تعدّاني كذا !
من دون مااسأل .. وش خذا ؟
اثره خذا روحي معاه
وانساقت الخطوه وراه
لبعيد مدري وين..لكن !
شفت بطريقي هالاماكن
اللي بها للجرح اثر
لحظة بدا مشوار قلبي
وفي أول الخطوه .. عثر
عندك خبر ؟
انّي بعد مااقفيت راجع
شايل على متني مواجع
حسيت بأنك مستحيل
ترجع .. ولا بلقى بديل
الله ياهو احساس فاجع !
عندك خبر ؟
ان الأمل لا زال حي !
في كل شي
الا ان جرحي يندمل !
وان الليال اللي مضت
بأفراحها ..
ترجع مثل ماهي قبل !
عندك خبر ؟
اني في هالليله وحيد
وشهو الجديد ؟
من لحظة فراقك وانا
مالي نديم الا العنا
مابه جديد ..
الا القهر
من يوم ما طيف عبر
عندك خبر ؟
