أعزائي أعضاء وعضوات وزوار هذا المرقاب الأدبي الشامخ :
السلام عليكم ورحمة الله وبركاته . .

أولا : أرجو المعذرة والسموحة على طوووووووووول الغياب.
ثانيا : أضع بين أيديكم هذه الأبيات أتمنى أن تنال ولو جزء يسير من إعجابكم.

[poem=font="Simplified Arabic,6,blue,normal,normal" bkcolor="transparent" bkimage="backgrounds/27.gif" border="ridge,4,gray" type=1 line=0 align=center use=sp num="0,black""]
أمس الضحى عديت في راس ما طال = رجم(ن) طويل وفارتفاعه يهول
رجم(ن) لقرناس الخلا فيه مدهال = من واق به ما يطمع انه يحول
وغنيت لي في عالي الرجم موال = والشاعر اليا ضاق صدره يمول
ما هو طرب لكن من ضيقة البال = الله واكبر يالزمان المهول
خليتني ما بين نازل ورحال = يعني على ما قالوا ارقى واحول
يوم ان بعض الناس بالشعر يحتال = يمدح هذاك ويم هذا يحول
ما همني شهرة ولا همني مال = و لا ني من اللي بالقصيد ايتسول
انا اليا وايقت في بعض الاطلال = يطري عليه وقتنا اللي منول
لو ان كلمة ليت ما كان تنقال = ياليتني ما كان رحت اتجول
و لا لمحت ارسوم ماضين الافعال = اهل الكرم والطيب والفعل الاول
عسى لهم في جنة الخلد منزال = وانهار واتعام ونعيم(ن) مطول
آمين يامنزل تبارك والانفال = يالخافض الرافع يالاخر والاول
[/poem]

وسلامتكم ,,