[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خذني من ارضي يابساط الريح=لابعد مدا تقدر توديني!
تحقيق دعوة من دعى بقريح=وعلاج قرحة ناتج سنيني!
لمحت لين اخجلني التلميح=واخفيت حتى علمت عيني!
اضحك بسني والضلوع تصيح=واكتب على قلبي بسكيني!
صدري فجوج وهمي شليويح=بعزومه يقطع شراييني!
خذني معك عن مشرط التجريح=لو كان له مده مخاويني!
يكفيني التهليل والتسبيح=وخوفي وتعضيمي لمحييني!
ارفع يديني والدموع تطيح=واسجد وتسبق دمعي يديني!
باح الصبر والسد قام يبيح=لكن ربي مايخليني!
طير العمر مارده التلويح=اقفى يرفرف بالجناحيني
ودعت عشريني وداع الريح=يارب عضني في ثلاثيني
[/poem]