عادل ضيف الله الأسعدي

العميد مشعل بن سويلم النفيعي رجل كفؤ وشهم


طلبت منه نقل من وحدة لأخرى بنص شعري وكان عنده مواضيع نقل لأقاربه وأخبرني بذلك قلت أنا أخر شخص من اللي عندك إذا أنجزت مواضيع أقاربك أنجز موضوعي قال ابشر ومرّ على الموضوع سنه كامله وارسلت له نص أخر رغم اني على علم بإهتمامه بموضوعي ولكن من باب التذكير :



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البكره اللي زينها كاسي ظهرها والسنام=غذيتها لين انها صارت بخير وناميه
دربتها لين اصبحت تمشي على حسب النظام=وجهتها للعد مزبان الرجال الساميه
وردتها للعد مع زمل" تعدا قبل عام=والزمل صادر من سنه والا المطيه ظاميه
لو انها شربت من العد المسمى ياسلام=والا لقينا العد جاذب كان ماينلاميه
لكنه العد الذي يعناله الزمل الحيام=وكبودها من ماحصل فالوقت تقطر داميه
سلام يالعد القراح الصافي العذب المرام=مزبان ربعه يوم بقعا بالمياسم حاميه
مشعل سويلم بلسم جروح اللحم فوق العظام=يحل وضع اللي زبن من شرق والا شاميه
عميد فالرتبه وفي جاهه فريق ابن الحشام=سليل قوم" فاللقا تظيم ماتنظاميه
ياابن سويلم عجل بموضوعنا والعلم هام=همي ثقل كبرالجبال الطايلات الزاميه
تكفى نصيتك لاترد العلم يانسل الكرام=وانته كفو تقدر تلم اطرافي المترامية[/poem]

راقت لي كثيراً في شريط حي صوتك للدكتور الحاضر الغايب سداح

-----------------------------------------------------------

لاتنشدنـي وأنـا مالـي ومـال النّـاس يـا فـواز
خـلـيـط أشـكــال والأزوال تـعـبـانـه ومـرتـاحــه

علامـك قـمـت تهـمـز لــي تــرا الهـمـاز واللـمـاز
مـا أحـبّـه لــو يقلّـدنـي وســام الـمـدح بأمـداحـه

تناقشني عن الساحه وعن ما يعـرض التلفـاز
وأظـنّـك تعـلـم أنّــي بالـثـلاث مطـلّـق السـاحـه

أعرف الشاعر الجيّد .. وأعرف الشاعـر الممتـاز
وأعـرف الشاعـر المقبـول مـن ثوبـه ومسبـاحـه

وأعرف الناقد الصامت .. وأعرف الناقد الهزاز
وأعرف الناقد اللـي مـا يـرّن إلاّ علـى الراحـه !

وأعـرف أن الكسيـره مـا تقـوم إلاّ علـى المعكـاز
ولـو حطـوّا لهـا ساقيـن مكفـولـه عــن الطـاحـه

نقـاشـك وفّــره لا تخـسـره والعـلـم مـــا يـعـتـاز
لك الله .. ما قفلت البـاب لأجـل أعطيـك مفتاحـه


د.سداح


.

.

.
Orumte@hotmail.com


للتواصل عبر تويتر
twitter:@Adel3322