تشرفت برسالة جوال من رمزنا الغالي سداح


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا نواف سلم لي على منتدى المرقاب=سلامٍ يخص أعضاه و يعم زواره
عليهم سلام الله ما شب القصيد وشاب=و مادامت الأيام بالخلق دواره
غلاهم مقيم ولو تدور عن الأسباب=أقول الوجيه البيض ما هيب بواره
أنا ما علي خلاف لو مسمعي منصاب=يعايدني الدكتور و يمد منظاره
بعد راحت الطبله تقل فص ملح وذاب=تسلط وجعها لين زمر بمزماره
وأنا في رجاء اللي في شفاه الرجاء ما خاب=أون وعساها كل ونه بكفاره [/poem]



ولمجرد الرد فقط

مع الاعتراف بالخوف من الاحتكاك بمبدعين الشعر كتبت


[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلامك وصل والوصل مشروع للاحباب=ويزداد يوم العيد فالعين مقداره
وعليك السلام ورحمه الله مع الترحاب=نيابه عن المرقاب وأهله وحضاره
وعداك الملام وعاذرينك بدون اعتاب=مقادير والدنيا على الخلق مراره
ولا فيك شك وريب توفي مع الاصحاب=ويزهابك المرقاب ويشع بانواره
عسى اللي حصلك خير من ربنا الوهاب=وعسى رحمه المولى تنجيك من ناره
فديتك بحموده ورومه واخوها حجاب=على بكره ابيهم واهلهم مع الحاره
اقوله وانا صادق ولا اواطن الكذاب=لأنك معي اقرب من الثوب لزراره
رسالتك خلتني اهوجس وافك الباب=بعد ماتركت الشعر والغيت مشواره[/poem]

.