السلام عليكم ورحمة الله وبركاته
آخر الجديد عسى تنال رضاكم
[poem=font=",6,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

الضيقه اللي تنتظر ليله السبت =تاخذ حساب اسبوعها كل ماجات
لاحضّرت هليت فيها ورحبت=ترحيبةٍ تبدي على غير مشهات
لو كان لي مجناب من عصر جنبت=وهجيت مع جرد الفجوج الوسيعات
رضيت والا ضاق صدري وعصبت=مجبور اقضي ليلتي بالمعانات
اتعوذ من ابليس لامن تثاوبت=واغمض عيوني وانا اقول هيهات
معها على كل الجوانب تقلبت=وابحرت بافكاري بغب المتاهات
ترمي علي حمولها ماتسببت=اسبابها من عند رب السموات
في ليلها تشكي ضلوعي من الكبت=واقوم اصالي واهج الهم بسكات
تصبح بذور همومها بالحشا نبت=واصير احسب حسابها كل الاوقات
ازرع لها الفرحه من السبت للسبت=من شان تحصد فرحتي كل ماجات
[/poem]