الليـل يغرينـي ضيـاه / وهـدوّه
على نغم ’ هادي ’ وشيح ’ وعنابر
اجـاذب اطـراف الكـلام وانــوّه
عن ما تركت من الورق والمحابـر
لو الخطا مسبـوق عـذره ولـوّه
ما كان يستصغر دمـوع الأكابـر
معاد اخاف امن الموادع / وسـوّه
من عقب ما ضاقت علي المعابـر
سوا الجفا / واللي تبي فـيّ سـوّه
قلبي على تجريـح الأيـام صابـر
ياللي على الفرقا خذتـك المـروّه
اللي كسرته .. له مع الوقت جابـر
معاد ابي ل/الحب صحبـه وخـوّه
وما عاد ابي ل/الحزن صوت ومنابر
على كثر ما اشتـاق لـك واتـأوه
وعلى كثر ما كنت احبك ..؟ تكابـر
ما كان وجه ايام عمـري مشـوّه
الا بعـد تركتهـا .. ف/المقـابـر
بعيش مالي مع هـل الحـب قـوّه
وان مرّني طاريك ب/يمـر عابـر
واحلام عمري لو تضيـق وتفـوّه
اسقيتها من دمـع عيـن المحابـر
قصيده من اول بيت الى اخر بيت كلها صور شعريه .. اعجابي بما كتب اعلاه ...
تحياتي ،،
|