ياخاطري .. كان ودّك .. ودّي بسجّه
......................... سجّتك ..قدّام أسجّ الرجل ..مطلوبه

ما عاد لك حجّه .. ولا عاد لي حجّه
......................... دوبه صفا جوّنا .. دوبه صفا .. دوبه

وجّه مع الدرب .. يا لين إنّي أوجّه
......................... درب ٍ تبا تنهجه .. وجّه بنا .. صوبه

مالك .. ومال العرب .. نصّاح وموجّه
......................... واللي يفشّ اغضبه .. وينفّخ اذروبه

ريّح شويه عن الأزعاج .. والصجّه
......................... ما قافي الاّ التعب .. والحب وادروبه

ياما تبسّمت .. للي يلوي المجّــه
......................... لعيون من جرّ قلبي .. جر بأسلوبه

اللي ليا أقبل عليّه .. كنّه ( الدجّه )
......................... والغربي ايردّه ويطرق طرف ثوبه

حمله على روس أصابع رجله يزجّه
......................... ما ناش وجه البسيطه راس عرقوبه

رعبوبة ٍ خلّت العشّاق .. في لجّه
......................... من دونها .. كم تقي ما حسّب ذنوبه

لا هيب لا ضامره .. لا هيب منطجّه
......................... نحيله أحيان .. مار أحيان دبدوبه

تقول.. في .. ردفها .. جهاز ٍ يرجّه
......................... تضغط على زرّه / أن جيت أعلن التوبه

يا فجّ صدري عليها / بس يا فجّه
......................... قدّام تلبس عباة الحب .. مقلوبه

واليوم لو عينها .. بالدمع محتجّه
......................... الذيب فوق الجبل / والداب فـ/ اشطوبه

ماني خفيّف جناح .. ايطير فالعجّه
......................... نجوت من عجّها يا طير بأعجوبه

دام الشرايين / تبلع دمّ .. واتبجّه
......................... والعين متقدّيه .. ماهيب معصوبه

أبآخذ امن السّعه .. وآبقضي الحجّه
......................... قدّام لا أموت بكره .. داخل الخوبه







..

( تــنــاقيــــــــع )







..