مرزوق الروقي

..,
/
\

خذ يالشايب

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ليل امس وأمس وليل قبل أمس واليوم = ما طبقت جفنٍ على جفن عيني
من ليل الاول مـــا تــهـنـيــت بـــالنوم = يالله دخيلك وين نومي وويني؟
ثلاث ليلاتٍ وانـــا تــقــل مــنـجـــــوم = اقـفــي وعـوّد بين همي وبيني
تـــقـبــل بي عـلـومٍ وتـقـفي بي عــلوم = هــذيك اعــدّيها وذي تحتريني
ليل, وهجاد,ولجة افكار , وهموم = وحيرة , وبرد , وضيقة تحتويني
مــــــا كني الا راعي الذود والقوم = اللي عــدوبه والــعرب نــايميني
حافوه عكفان الشوارب هل الحوم = واقفوا بذوده يوم مــــاله عويني
عوّد على اللي يلـــحقه شيلها لوم = الـبـندق اللـي في خــباها سنينــي
جمع فشقها , وانتخى ناقل الزوم = يصيح.. جيت وبندقي في يميني
ويوم اقتفاهم وارخص الروح للسوم = عيّت تثور وعرضّوه البطيني
اقفوا وهو عوّد على الوجه ملطوم = يــــوّن ولــتالي بـــكاره حـــنيني
لولا الله اللي ســـلمه قيل مرحوم = رمّــــل عــجوز ويتّم صغيريني
امسـيـت حــالي كــنه اياه معلوم = مــا جاه قد جـــاني وما فيه فيني
هو.. عابي الخرقا وانا .. ناقل البوم = هاذيك ما ثارت وذي ما تعيني
يــاوالله اللــي بيعنا اليوم بالكوم = مــا قــبل مثــله مــرني لا وديـني
هو وجه من وجهٍ تصبّحت به شوم = وش عاد باقي ما ظهر ياسنيني
الله ولا هي كانها حبة خــــشوم = واللــــي ذكــــرته تــــاليتها نسيني
ما دام لي وجهٍ عن امثاله يشوم = اصـــد به واللـــــي يجيني يجيني
ياحي موتي والكرامه لي هدوم = ولا حــــياتي فــي رجـــا ميتيني
ومن ليلة الاول وين انا عنك يالنوم = ما طبقت جفنٍ على جفن عيني

[/poem]

هذي القصيده
وحفظاً للحقوق فقد نقلتها من منتديات مجالس قبيله العصمه ..

* ياهل التنسيق نسقوها لاهنتو