بسم الله الرحمن الرحيم

[poem=font="Simplified Arabic,6,firebrick,normal,italic" bkcolor="transparent" bkimage="" border="double,4,gray" type=1 line=0 align=center use=ex num="0,black""]
حرام ياداف الحشا تقطع الصوت = عن مسمع اللي في غيابك ينادي
طير الغلا ريشه على القاع مَحْتوت = قَرْنس قبل وقت الطّرَد والهَدادي
طلّع من المركاب والسِّبْق مبْتوت = وأقفى وانا ادري من ترجّاه غادي
شَلْويت له والصوت مايلحق الفوت = الطير مخرم ما اقتفاه البرادي
علّقت بإسمك عقد لول(ن) وياقوت = بسلك الذهب من دون شقر الثنادي
الصوت يسقي وِدْ والفَرْع منبوت = بجِرْد المحاني يابس العود بادي
لا ينْفَعن سلوه ولا ينفعن قوت = واحيان اخفّي دمعتي في وسادي
وأخاف يا صار الملا حولي سْكوت = لا يسمعون اللي بصدري يِدادي
تكفي ربع ساعه من العمر وآموت= عندك وكفّن جثّتي بالودادي
لا ذقت من رطب الشَّفايا عنب توت = مالي على الدنيا بَعدْها منادي
مادامني عايش بدونك بتابوت = موتي بعد شوفتْك غاية مرادي
بعذْْر العواجي لو شكى من غلا نُوت = أثْر الغلا يعمي بصير الفؤادي
يانوف قفّي كان ودّك لي الموت = ومن ديّتي معفيك رب العبادي
والا ترى صوتي يردّه صدى صوت = يقول ترْك ازعجتنا لا تنادي[/poem]

وسلامتكم ..