مخايل

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر والشاعر وفيض شعوره=يمكن تقوّم فالبلاد الثوره
وقدام عيني العوني وموهبته=جبارة" ولاهي بمجبوره
أيام مافي نجد غير المصمك=وقبل تجي في جده النافوره
ليا ورد عوض الله بمشعابه=ماينثني مطلق على باكوره
وحسب مااشوفه في زمنا هذا=مايظهر الا الشاعر الأسطوره
أما مخاوي جنّ والا مخاوي= أقلامه ودفاتره وشعوره
والشعر موقف والمواقف مبدأ=ولعب القنا ماهوب لعب الكوره
لولاي واحد من ثنين" عاشوا= في فرقة" ناجية" منصوره
ما أسلّ سيفي مالي الا مقصد =رد اعتبار الشاعر وجمهوره
الشاعر اللي من حداثة سنه=يسبح محيطات الشعر وبحوره
ويرقى على مرقابه ويحكي له=عمّا جرى لذيابته ونموره
بئساَ لأحداث الزمن لوكانت=في كشفها للأقنعه مشكوره
شفنا هنا والله لنا سبحانه= وأخبارنا وأشعارنا مذكوره
يمكن نعاتب بعضنا بالحسنى=والا عصانا ماهي بمشقوره
القدر ثابت والغلا متبادل=وعزومنا وسلومنا مخبوره
أظنّ فأصحابي بخير" وأقبل=أعذارها لوماهي بمعذوره
والزله اللي من زميل" غالي=أقول هذي زلةٍ مطموره
المجتمع كم يفْرق وكم يجمْع=مْن البشر فقْصوره وفخْدوره
في كل يوم" يظهر إشكاليّه= والناس فيها كل" ومنظوره
هذا يقول السالفه منعاجه= وهذا يقول السالفه مقطوره
وأصبح يحدّثنا الذي ما كنّا=نلدّ طرْف العين له ولشوره
والسوق بيع ومشترى وبضاعه=ولابد أوضح للجميع الصوره
عن بائع" متحزّم" متلزّم=ويثني تراحيبه على ميسوره
في كل بندر باسط" له بسطه=ويجمّع من التين والبندوره
ماهي بضاعتنا ولاهو سوقه=ياوجد حال السوق من هاموره
اللي مسلّمه الجمل بحموله=يلحّ ساقه لين يفلج زوره
ماعاد ندري القفل وش مفتاحه=والكرسي الدوار كم له دوره
إلى هنا وأقول قولي هذا=وعسى ذنوبي كلها مغفوره
مانيب أجيب علوم وآودّيها=مابين أهل رابغ وأهل مستوره
جام الغضب صبّيته ولا عندي=فاللي يمد من الزعل دنقوره
هذي القصيده والقصيده حُرّه=فالقافيه وأبياتها مصخوره
واللي معه فيها شكوك وريبه=يفتّش بطون الحكا وظهوره
لحدن يعاتبني على غموضي=نفسي على هذا النمط مفطوره
افضل حقول النفط فالشرقيه=اللي تحت سطح البحر مغموره
والسالفه يااصحابي وما فيها=هذي تراها ( الزله المطموره )
[/poem]

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.