1-
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مع شفق شمس الغروب .. اللي تكفن كل غيب=ومع سيرة بزوغ البياض اليا احتضن فجريـ.ـتّك
ارتكى البرد.. بشفاه اول شتاء .. عند المغيب = واعتدلت .. ومال صوت.. بحنجرة عفويـ.ـتك
ارخيّ لذكراي.. عمق شعور بأحساس الغريب = لحظة وداع الأنيس .. اليا اطلبك شبريـ.ـتك
كفّ جنحانه من الفرقى .. على الصدر الرحيب = ونظرته .. ريشة ألم .. بين اجنحة قمريتك
من اسى الكتمان .. تغريدة عصافير النصيب = ومن شبابيك الضياع .. الضيق : غنى اغنيتك
لأنتظاري.. مرقب الضيقه .. صدى صوته.. قنيب = وحسرة الحرمان .. وادي.. ينتظر .. وسميتك
وشجرة الآمال .. تلهث .. والعطش ينفث ..لهيب = ويرتعش في ظلها .. زهرة .. على عذريتك
نبضي.. وله همسة شفاتك.. بين اسد غابة وذيب= صوتي..عشق حسن استماع البوح .. من محميتك
وابتعاد الأمس.. بأعماقي .. من الواقع قريب = لو تجرعّ .. غيب مجهوله .. نزف يوميتك
غبت .. والوقت انكسر ظله.. تحت شمعة حبيب = غبت.. والعمر انسكب ثلجه .. بكفّ امنيتك
ودي نغيب ونلتقي .. ما ودي نغيب ونغيب = دام به .. ميلاد تاريخ ٍ .. على هجريتك
انقش لصبري .. صخر.. ذوبّ مشاعر بوح أديب = ليت الفرج .. مطلع قصيده.. من شطر .. ب ألفيتك
آه .. مدري كم بقى .. مني شباب .. وكم مشيب = وآه مدري.. من بقى جنبي.. بعد جنبيـ.تك
مدري عن اصحابي.. ولو فينا .. مع المجهول عيب = مدري .. ولكن كم عدو ٍ .. ما انتقد شخصيتك
مدري.. ولكن .. صوتي احسه بعيد .. وفيه ريب = يبتعد.. حتى اشعر ان الصوت .. مات بـ فيتك
مدري.. ولكن يمكن الأيام ,, تآخذ ما تجيب = وان خذت .. تقفي .. ومكتوبك على ناصيتك
مدري .. ولكن يمكن الأيام ,, بالجرح العطيب = ان عوضتك اللي خذت.. تعطيك جمرة كيتك
مدري .. ولكنا بشر.. بُشر .. بـ شبر ولا عجيب=والعجيب ان جنس شَبره.. نجس في جنسيتك
مدري .. ولكنيّ شعرت .. اني معي.. مثلي مُريب = مدري.. ومعنى ما كُتب.. بحر ل وزن قافيتك
جفت الصفحة.. تعدلّ .. حرف من كلمة .. صويب =و مال سطر.. وراس عنوانه .. على صينيـ.تك
بأقلب الصفحة ,, واشدد حرفّ .. لو قصهّ رقيب = كرتين حمر .. وصفقتين .. وقول من ركنيـ.تك
مدري.. ولكن التعب فيني .. على ظنه .. واخيب=مدري ..ولكن الصبر .. وضعه مثل وضعيتك
يمكن انك غير .. لكن عيب غير .. اصبح رهيب=لاتعجب..شكل غير.. اقريب من شكليتك
شدتّ احلامي ..قوافلها .. وانا اخطي..يوم اصيب= وعزمتّ.. ابا اسرج "مهرة المقفي".. وبأطوي سيتك
ايه.. ابا ارحل ..ليه بأبقى .. وان غدى معكم ذهيب = أنحره .. وأدفع عنه صدقه . و حسنّ نيتك
العنـ.ـب.. حامض حلو .. واليوم .. عنّابك .. زبيب = والفرق شاسع.. لكن انت اللحين.. وش ماريتك ؟
اشطب اوهامك.. و املك .. اضرب على بنوده صليب = و دورّ على ذاتك.. ما دام انك على ملكيتك
غنّ المشاعر.. واسكب الأحساس.. لو ضيقك رحيب = ومع منحدر.. لو تندفع .. لا تفقدّك هويتك!
اشرب ايامك..عطش .. واشرب جفاء.. واشرب حليب= وحافظ على تفكيرك.. وعقلك .. قبل عافيتك
إلى هنا .. والجرح ..دقق في تفاصيليه.. يطيب= وشكرا ً.. على حسن التعاون.. واستلم هديتك
" آسف على نبض الألم .. وآسف على فراقي..حبيب = و آسف على حزني.. وضيقي.. في أمل عيديتك
وآسف على شيءٍ.. اسف فيه الوفاء .. لهفه وطيب =و آسف على كل الأسف.. من غيبتك.. لا جيتك"
وعذراً.. تراي اخطي.. واصحح خطوتي.. من قبل اصيب= وعفواً .. تجاهلك الخطاء.. ممكن سبب بـ آذيتك
و فزّ .. برد اشفاه توديعك .. شتاء بعد المغيب = و أرتكيت .. وقام صمت,, لـ حنجرة عفويتك.
[/poem]
|