سلطان بن حامد

أطيب منها كلـّها اللـّي يقول







مـقـوّمــات الـنـجــاح الــعــزم و الـهـمّــه
بـعـد التـوكـل عـلـى المعـبـود سبحـانـه
فـي كـلّ علـمٍ يخـصّ الـرجـل و يهـمّـه
إليـا بـغـى يـدركـه يتـعـب عـلـى شـانـه
مــن يبـتـدي فـــي لـزومــه لازم يـتـمّـه
مــا يعتـبـر فـعـل لـيـن يـشـاف برهـانـه
مـن حـطّ فـي بالـه إنّــه ينـجـز مهـمّـه
قـبـل الـحــلاوه يـــذوق الـمــرّ بلـسـانـه
لو إنّ صدره يضيـق و يحتـرق دمّـه
يـوم الدّهـر قـام ضـدّه يحشـد أعـوانـه
يلـقـى بـدربـه ظــروف الـوقـت ملـتـمّـه
و تـزيــد قـــوّة عــزومــه قــــوّة إيـمـانــه
تعطـيـه دنـيـاه درس مـهــمّ و يـصـمّـه
مضمونـه الجهـد و التوفـيـق عنـوانـه
مـا يـدري اللـي يسـبّ الـوقـت ويـذمّـه
إنّ الـصـبــر لـلـفــرج مـفـتــاح بـيـبـانــه
إسلك طريق العلا تطلـع علـى القمّـه
طيـر السعـد مــا يقـلّـه غـيـر جنحـانـه
الــلــي يـحـقّــق مــــراده يـنـجـلـي هــمّــه
بيسرّ صدقانه و بـ.. يغيض عدوانه
و اللي يضيّع طريق المجد و يخمّـه
حتّى أيـش لـو يفتخـر بفعـول جدّانـه
هـذاك فالـوقـت مــا أحــدٍ يلتـفـت يـمّـه
مــا لــه مـقـام و حيـاتـه مـالـهـا خـانــه


تقديري لك يا فيلسوف : )

@s_7amd