بسم الله الرحمن الرحيم

كما هي :

[poem=font="arabic Transparent,6,darkred,normal,italic" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black""]

يافهد جزْنـا مـن الحـب والتوبـه =خايف(ن) تثقل على متنـي ذنوبـي

مابقى من ثومة القلـب يـا دوبـه=علّهـا تـدّي صلاتـي وماجوبـي

القـدر نافـذ والاعمـار محسوبـه=مومن(ن) باللي من الرب مكتوبـي

ياعشيري هرجة الليل له حوبـه=بيّحت خافي ضنى دامـل عيوبـي

السنيـن اللـي طوتنـا بعرقـوبـه =مستطيب جروحها يلتفـت صوبـي

أثر محـدن يافهـد يستـره ثوبـه=بيّنـت قشـر التوافيـق عذروبـي

شيب عيني يـوم نطيـت مشذوبـه=طرّت الورقا ورا النـوح محبوبـي

الرهيف اللـي بغيتـه وعيّـوا بـه=من نحوني عن نواحيه وأنحوْ بـي

فرحتي ياجـاء سميّـه وهلّـوا بـه =فرحـة المشلـول ياقـرّب يدوبـي

العنود بسربـة الجـوف مصبوبـه=والعيون عن الغناديـر صـدّو بـي

بعدها جانـي غريـر(ن) بمندوبـه =ويتحـرّا بالخـبـر رد منـدوبـي

جاهل(ن) غره معي رقّـة اسلوبـه=مادرى اني جزت من طرد مسحوبي

عارفه وابخص مباغيـه ودروبـه=عيّل(ن) يدرج على جـرّة دروبـي

لاعبن قبلـه علـى نفـس ملعوبـه=وراحتي عن شوفة الغيـد مطلوبـي

أتحآشـى فتْحـت البـاب هالنّوبـه=خايف(ن) من واحد إيبيّعـن ثوبـي

يافهد لـو للعشاشيـق مـن حوبـه=كان جابت حوبتي طيـف محبوبـي

[/poem]

[CENTER][OVERLINE]وسلامتكم...[/OVERLINE]