الاخ العزيز عبدالله الفايز
صح بدنك ياخوي مليون
واشكرك على هذا الكلام الزين
والله لايهينك والفكسار ماقصروا الشعار كل شي فيه وصفوه وحنا على دربهم
وان شاء الله بنزل خلال اليومين هذي قصيدتي الثانيه فالفكسار رد على الشبح
[poet font="Simplified Arabic,5,blue,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
راكب الي ما لقينا له مثيل فالنجايب
بالفخامه والعزوم وسكبت المنظر ندينه
لونجيه ولو نديره مانحصل به شوايب
كامل والكامل الله في تواصيفه وزينه
حي ابو مجنى مصمم عزوتي عند الندايب
ياعسى فاله سعيد وياعسى تسلم يمينه
كل ما عاينت قطعه ياعجايب ياغرايب
قلت سبحانك الاهي خالق اللي خالقينه
وارد الفكسار توّه من جديدات الجلايب
من بلاد الشرق شركات الجيوب مصدرينه
كملوا قيمة رسومه وادفعوا كل الظرايب
وفوق بابور البحر شدّوا رحاله ناقلينه
وجهوابه يمت القبله على حسب الطلايب
واوقفوا به داخل المينا حراوي طالبينه
لين جاهم من يقول انه عن الشركات نايب
وما طلع من عندهم بالكرت كود مجمركينه
ثم شدّوا له على سطح التريله بالقضايب
صوب نجد وشركت التويوت جوك محملينه
اشهدانه معجزة ذا القرن ومصيبة مصايب
ويكفي اليابان فخرا دام هم مصنعينه
والخواجه منصفق وجهه يذوق المر رايب
كل ماشافه يصدّبعينه الشمطا غبينه
منطوي طي المريض ومونس حر اللهايب
كن ضربت هوريشيما ردها اليابان دينه
وهونج بونج يمزّ عمره لين عداه النصايب
مايلد لباقي العالم يكود بنص عينه
مانلومه لا وربي كاسب كل الكسايب
منتج الفكسار لاهل الكار دوم موردينه
ماورد لجل البهايم والا تحميل الزهايب
عن هذولا مع هذولا نايف ومحشمينه
ولا ركب فيه المسفه والجحلط والزلايب
ولامسك مقوده خبلا ديننا مهوب دينه
وارد باسم الرجال اللي يفكون النشايب
كنهم عقب الصناعه للنشاما واسمينه
ان مشى بين المواتر مشيته مشيت ذرايب
ماتقول الا الامير اللي جنوده حارسينه
وان وقف وقفت فريق يختطب قدم الكتايب
توماصدر قراره للقياده ناصبينه
كن لونه لون غروا تحت نور الشمس ذايب
من بياضه تحسب ان الشمس تشرق من جبينه
ورزته راس البعير اللي من الازوال هايب
يوم قرب من المعشّا وقفوا له محرمينه
وكن بين محركاته تحت كبوته حرايب
ورغم ذلك لوتسمع ماطلع صوت المكينه
ومنظر الطبلون من هوله على الناظر عقايب
يحسب انه كنز بالالماس والدر الثمينه
والجنوط مع التواير يوماحليها طرايب
وجه قمر لبسه البخنق ولفتها متينه
والمراتب كنها حضن الهنوف ام الذوايب
جادل من حسنها كل النشاما خاطبينه
وشيفت انواره تحالي شبحت عيون الربايب
لاقبس نوره تقول من الكهارب شاركينه
والمرايا فوق بابينه تجيب العلم صايب
مستشارينه مع اللفات وطروق المدينه
وايرباقاته لاقدر ربنا عند النكايب
ظمتك ظمت ضنين مبطيا قابل ظنينه
يانديبي وانت قرم تاخذ السمعه غصايب
بالمكارم والمعارف والشكاله خابرينه
ناصح منته بمثلي غرني شوف السحايب
قمت اخايل نوها وارقب متى يمطر وحينه
مادريت ان السحايب تحت تصريف الهبايب
كل ماهبت هبوب ساقته مثل السفينه
يازمن وش عاد باقي؟يازمن ويش انت جايب
كل ماقلنا تزين تزودالبله لطينه
كني اللي من صوابه صفت اظلوعه حطايب
ماتجبرها الجباير فالمشافى راكنينه
ساهر ليله يوني والكرى مهوب طايب
لا انيس ولا جليس ولا عوينا له يعينه
يانديبي يانديبي دوك خطي والكتايب
وصله شكر جزيل وبيت شعر ناظمينه
ياسعود امنتك الله لاتدور للسبايب
خل ابن عمك وسر مانوى يكشف كنينه
[/poet]
|