ابو فلاح
محمد مسفر من العام فالموقع يجي و يروح
يغيب محمد الاول يجيك محمد الثاني
ليا زاد الهوى موج البحر يغرق سفينة نوح
يدور الوقت و المكتوب يجري و العمر فاني
محمد
يزول لك ثلاث ازوال من هيبة بعيد الشـوح
ورحت تسوقها صوب الشقا من دون برهاني
ليا هب الهوى يبدي لك الراجح من المرجوح
عسى الحواف ما يرجع من المشوار خسراني
ابو فلاح
بعد صار إلتماس أكيد حاصل فالسلوك جروح
يقولون العرب ما فيه نار بدون دخاني
علوم الناس واجد و الصدور من الكلام تفوح
ترى وجه الحقيقه مثل وجه الذيب سرحاني
محمد
ابو نية على نية وابو نيات تحت الـدوح
يخطط فالثرى ويعيش طول العمر حيراني
من التفاز سجل واستمع للرادي المفتـوح
لكن احرص تضيع حجة المجني مع الجاني
ابو فلاح
أبو نيه و أبو نيات منهم ما لنا مصلوح
عسى ربي يعوض بخير فيهم يالعضياني
ترى المخطي ليا أخطا ما نقول من الخطاء مسموح
لو إنّه يعتذر و يقول سامحني على شاني
محمد
لزوم اهل الوفاء يا صاحبي في ساعته منطوح
ودين الحق ملغي مع مجيـه كـل الاديانـي
ياليت اللوحه اللي رقمها من قاعته ممسـوح
تحرت يوم واحد لجل عين الضيف والعانـي
ابو فلاح
تذرّا في رياجيلٍ على شانك تبيع الروح
تبيع الروح في يوم اللقاء بأقلّ الاثماني
متى نسمع رعود الغيث ترعد و البروق تلوح
و تخضرّ الفيافي و الزهور أشكال و ألواني
محمد
ليا جت سالمة بارقابها قل البكـاء والنـوح
ولن ما جات ما ضاع الرجاء فرجال الاوطاني
مشاريه المصلي فوق راع العمة المشفـوح
يناحي في زمانه لين ضلى في خبـر كانـي
|