مخايل

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سقيم الفؤاد الليّ جروحه لها عامين = عصب غترته وأشرف على راس ماباني

وتلقى الهبوب وناظره بين زين وشين = وجلس جلسة الليّ ركبته حيلها واني

بعد ماشبك روس الأصابع على الكفين = وأخذ يصفق أبهامه على أبهامه الثاني

عليه الطواري مرجهنّه يسار ايمين = ترازم على راسه ترزّام ذيداني

فرى صدره الحزن المعتّق .. وقام ابحين = يبي سلوةٍ من دونها الحزن له شاني

تنهّت وذب الصوت واختار له بيتين = من أجود ماغنى فيه سعد ابن جدلاني

مثل ( ودنا بالطيب ) و ( وأحلام متمنين ) = و ( الا يالهبوب البارده ) و ( العمر فاني ) .

مساء ليلةٍ ماني بداري ؟ ولا أدري وين = على وجهها من وين ماجات تلقاني

اصدوف الحياة اظروفها توجع القاسين = وصبرٍ على البلوى يبي طمرة أحصاني

والأمجاد تبنيها العزايم بقوّ الدين = وساعد يمين وعقل وافعول والساني

والأحلام شفٍ ياصله كل موفي دين = وتحقيقها ينبيك عن صبر وايماني

مافي شيّ ياتي للبنادم بلمحة عين = لوّ انّ البنادم يطمع بكل مجّاني

لوّ انساوي الواعين بالعالم الغافين = تساوى العدل والظلم في كل ميزاني

يقولون والقمّه ماتستاسع لشخصين = واقول القمم تستاسع اشعوب واوطاني

للابداع لذّه في نظر كل عامل زين = وللاحباط نكسه في نظر كل كسلاني

ليا صار مالك نظرةٍ في سماء السامين = افعيش الحياة امهان من غير حقراني

ترى الرجل ساس وراس قاسي ولين ودين = وموقف وطيبه يشمل القاصي الداني

لاشاف الجفا والصد من ربعه الغالين = فلا يكشف اسراره على كل قوماني

رفيقك ليا من زلّ طوّف خطاه ابزين = ولاتحرجه واتقول مخطي وغلطاني

تبسّم وعدّه محزمك لاجفاك البين = لابدّه ابياتي يطلبك دمح ماكاني

والى منّه اقفى ؟ فأعرف ان طارد المقفين = مايبلغ مداه وينكسر ذلّ ويهاني

ليا صار ماناصل بعضنا وحن حيين != لمتنا محد منّا بناشد من الثاني !![/poem]

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.