المشاركة الأصلية كتبت بواسطة ناصر تراحيب
" كارثة جدّه "
حدث لم يمر بشكل عادي ، لإنّ تأثيره لا يُحتمل .!
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
حسبي الله الولي .. نعم الوكيل = كل من شاف العروس يقولها
كم يتيم .. وكم فقيد .. وكم قتيل = والأمانه ، ضايعٍ مسؤولها
شوهوا" جدّه " وحاضرها الجميل = شلةٍ.. تتبع نعش .. مقتولها
كل ماقلنا السبب .؟ ردّوه سيل .!= والسحابة من يردّ سيولها .!!
نعرف إنّه سيل ، لكنّ المسيل = كيف ضاق من البشر وفعولها .؟
من منحهم فيه جيلٍ .. بعد جيل =والمسايل .. ليه يـبنى حولها .؟
والمشاريع الكثيره والقليل = ليه ماتمّت .. بحسب أصولها .؟
" مملكتنا " تنفق المال الجزيل = لأجل تطوير العمار يطولها
وبين مسؤل الوزارة والعميل = السيوله ضايعٍ مأكولها .!
شلةٍ تلهث ورى كسب الحصيل = والوطن مازاد من محصولها
ضيعوا كل الأمانه والدليل .. = .. " كارثة جدّه ".. نهار حلولها
بعد كنّا للمطر .. دايم ، نخيل = كرهونا .. فالسحب وهطولها !!
والأمل فاللي عسى عمره طويل= خادم الدوله وزحل زحولها
راعي الوقفات والفعل النبيل =صولته ما أحدٍ سواه يصولها
سيدي رأيه.. يحل المستحيل = والرساله ماكذب مرسولها
حسبي الله الولي نعم الوكيل = كل يوم نقولها .. ونقولها .![/poem]
صح السانك ياناصر ياليت كل من له واهس على الشعر يطرق نفس الموضوع عوافي عليك