يالله ياربـي انـك تقلـع معـمـر
ويصير ثالث ثلاثه وضعـه مدنـي
لافـك شعبـه ولالبلادهـم عـمـر
ولاهوب لاشيعي ولامذهبه سنـي !
ماهوب صاحي يشوف الشعب متذمر
ويقول شوفوني وشلوني ووش كني؟
اربع عقودن وهو فالسلطه مسمـر
وينفض الشوشه اللي تخرع الجنـي
يجمع حشوده لاطبل طبلـه وزمـر
محفوف بحراستن ماتضدمن شنـي
اعيونهم زرق مير ابطونهم ضمـر
وان قيل وشهم مانيب ابقايلِ (هني)
هو يحسب انه على العربان متامـر
وللحد هذا بلغ بمعمـر الظنـي ؟؟!
لكن مخطي وعقلـه مبطـي مخمـر
ماشاف روسٍ من العـدوان يغلنـي
واليوم شعبه بعد عن ساعده شمـر
ربي يجيبه في قاع الارض متثنـي
يكفيـه فالوقـت الاول كـل مادمـر
واللي مضن من سنين الضيم يكفني
لـ / سلطان حمد البراق
|