[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا قلب ما غيري من الناس يوحيك=ليا قمت تصفق بالحشا صفقت الزنك
أليا طلعت من الحشا وين أوديك=هل تعلم أنك بين الأضلاع مسكنك
أنا أدري أنك ما تخبر بطاريك=لكن دقاتك تبين مكامنك
الكذب والتزوير ما هو ب يرضيك=كم واحدٍ بالكذب والزور يمحنك
يقول كيف الحال ساعة يلاقيك =ما اطيبك ماطول منك ما اعرضك ما ازينك
أن شاف وجهك قام عجلٍ يحييك=وأن شاف ظهرك بين الأكتاف يطعنك
ناسٍ على ما في جيوبك تصافيك=بصرف النظر عن كيف طبعك ومعدنك
وأن باح جيبك شفت ما احدٍ يدانيك=تعيش بين الربع معيشةٍ ظنك
شفت الغرايب شوف ما فيه تشكيك=يسهنك من وقت الملا زيم يزبنك
ويضحك بك اللي عاجزٍ عن هقاويك=لا فاعلٍ فعلك ولا معرضٍ عنك
يحز في نفسه ليا طاب طاريك=ويفرح ليا من البلاوي تبلنك
كم واحدٍ ظلك مغطيه يوذيك=لو هو ضعيفٍ لو ينوشنه أشبنك
أن واجهك في فرجةٍ ما يلاقيك=وفالمجلس اللي تستحي فيه يفتنك
وكم واحدٍ جده وخاله صعاليك=أصبح من اصحاب الملايين والبنك
ياللي جمعت المال لياه يطغيك=أجمع حلاله والوصخ بعده عنك
لا باس هذا رزق ربك ومعطيك=لكن راس كبر من كبر مبطنك
غرك زمانك تحسب أنه يخليك=دايم غني وكل عينٍ تعاينك
يا اخي ترا الأيام مهما تراعيك=وعزت بساتينك وقرت مكاينك
دنياك لو ذعذع هواها تفاجيك=تسفي عليك من السوافي وتدفنك
ترا الدهر يومين والعلم ينبيك=يومٍ عليك ويوم لك ويش فاتنك
أن كان ما تدرى زمانك يداريك=لا تزعل أن شفته بالأضراس يطحنك
هذا الزمان اللي عيوبه تماتيك=يصفي معك مره ومرات يحزنك
فكر بدربك ثم ميز مواطيك=حذراك من دابٍ يحنك القدم حنك
اليوم قانون العداله يناديك=مزبن معكفة الشوارب ومزبنك
واحذر أبليس عن القوانين يصغيك=عزاه عن حالك ومن عاد عينك
وأن كنت في منصب تذكر لواليك=فوق الجميع الله ويعلم بواطنك
اخلص وراع اللي تشوفه يراعيك=حسب النظام وثمن اللي يثمنك
ورفيقك اللي فالمواجيب يشفيك=خلك منه باي ا للوازم وهو منك
ترا صديقك لا غلا السوم يشريك=خله كما صاف الذهب وأسط مخزنك
ألا أن كانه بايرٍ قاطعٍ فيك=أعرض عنه لا سر عينك ولا أشحنك
يمكن يجيك مؤشر ألسان يغويك=يقول قال فلان وفلان ذا عنك
لا تستمع له طول الله مهاليك=هذا ما غير بكلمة الزور يازنك
هماز لمازٍ كذوبٍ يوريك=بيض الثنايا والفؤاد أسودٍ حنك
وده يشيلك ثم وده يوطيك=لو أنت كحلٍ تنسحن كان يسحنك
أن طعت قوله لعب حتى يدهويك=غسلك بالكذبه وبالزور كفنك
أنته رجل واكلك بيمناك يكفيك=منته مقمع في يد النذل يشحنك
تم الكلام اللي بنيته على أيك=شطرٍ على أيكٍ وشطرٍ على أنك
[/poem]
فيص الرياحي ( يرحمة الله )
|