مجاراة لـ قصيدة أخوي وصديقي الشاعر المبدع / عبدالله بن حنيف والموجودة تحت هذا الرابط :

http://montada.mergab.com/showthread...07#post1410207

أتمنى أن تنال الرضا .. وتصل لـ نصف جمال قصيدة ابو حنيف ..



المحبّـة عـشّ .. والخفّـاق طيـر
لا شعر بالضيم وسط العش .. طار !

رفرف بريشه وحس إنه بـخيـر ..
يوم صار الغيم بعد الضيم .. جـار !

يا صديقي كل ما إستوحشت .. طِير ..
ولاّ بدّل دار هـ الوحشـة .. بـدار !

لا يسوقك لـ الوطن .. سلك الحريـر
دام ما يحفـظ لـ خفاقـك .. وقـار !

ما يذلّك في ديار الحـب .. غيـر ..
بعد هذا الحـب .. تلفظـك الديـار !

من يحبّك .. راح يحبّك لـ/الأخيـر ..
لو يقيّـده الزمـن بـحبـال نـار !

لو دروبه شوك .. وظلاله هجيـر ..
ما سكب فرقاه في كاسك .. مـرار !

والهوى لو جرح سكّينـه .. خطيـر
ومختفي مثل القمر .. وقت النهـار !

وما يشوفه غير من قلبه .. بصيـر
وفطنته في معصم أيامه .. سـوار !

ما يشيّب مثل .. تأنيـب الضميـر ..
ولا يمـوّت مثـل تقييـد الحـرار !!

أستغفر الله الذي لا إله إلا هو الحي القيّوم وأتوب إليه ..

Ask me