[poem=font="Simplified Arabic,6,black,bold,normal" bkcolor="transparent" bkimage="backgrounds/39.gif" border="double,4,gray" type=1 line=1 align=center use=ex num="0,black""]
هجرتيني كذا من غير داعي=نزعتي عن مراكيبي شراعي
تركتيني علي اللجات تايه=ما بين الموج وحلوق السواعي
ادور في ظلام الليل نورك=وامد الشوف لقدومك واراعي
طيوفك كل ما مرت عليه=اعانق سودك الخرس الوساعي
اعانق كل لمحه في وصوفك=واصوت للغلا وابسط ذراعي
واسولف للنجوم الي تتابع=عن احلامي وعن قصة ضياعي
رسمها كف خلي واعتمدها=ولا ادري كيف قلبه فيّ طاعي
نجوم الليل قولي له حبيبي=حبيبك دون وصلك ما استطاعي
ثمان سنين مرت في هوانا=عذيب العشق ما جاه انقطاعي
احبه واعشقه ويموت فيني=وحب" مثل حبه ما يباعي
لكن الوقت ما نظمن ظروفه=انا ما اخاف غير من الوداعي
عساها ماتمر بروح خلي=عسى يومي قبل يومه يذاعي
ثلاث شهور لك يانور عيني=ما دق الباب يا المحبوب داعي
يضيق الكون في عيني بدونك=سماي تضيق بي ويضيق قاعي
جروحي كل ما حنّت بصدري=جمعت كفوف صبري من متاعي
علي الذكرى تجمع كل ليله=يفرقها من المشرق شعاعي
تروح وكل ما راحت تعوّد=ضيوف القلب ماتسري جياعي
تسابق في العروق وفي المحاجر=مع الانفاس نزله وارتفاعي
عسى ايامي تبشرني بشوفك=ماعقب الضيق غير الاتساعي
نجوم الليل قولي له حبيبي=حبيبك دون وصلك ما استطاعي

[/poem]

شعر

محمد الوبيري العصيمي