منتديات المرقاب الأدبية - عرض مشاركة واحدة

07-05-2011, 10:58 AM

1

بين عبدالله بن عون وغازي بن عون

البادي / عبدالله بن عون

[poem=font="Traditional Arabic,6,darkred,bold,normal" bkcolor="transparent" bkimage="" border="solid,2,darkblue" type=2 line=1 align=center use=sp num="0,black""]
هـات الـدلال وهـات مـن نـقـع الاوداق =وقـم شـق يـا نـيـاف لـلـنـار مـشـقـوق
اروج تـراي لـشـبـت الـنـار عـشـاق = لـعـلـي اسـلا عـن غـثـا الـبـال وأروق
كـود يـتـوسـع خـاطـري عـقـب مـا ضـاق = تـراي أشـوفـه مـن ضـحـى الـيـوم مـخـنـوق
قـم سـو فـنـجـال لـه الـضـرم يـشـتـاق = مـاهـوب لا نـيٍّ ولاهـوب مـحـروق
مـبـهـرٍ مـجـتـمـعـةٍ فـيـه الاذواق = الـبـن والـهـيـل الـخـضـر فـيـه مـسـحـوق
لـيـا شـفـه الـضـرمـان عـقـب الـعـمـس فـاق = والـيـا انـتـشـى ريـحـه مـع الـريـح مـسـيـوق
غـيـر الـدلال وشـبـة الـنـار مـالاق = فـي نـاظـري شـكـلٍ ولا فـي فـمـي ذوق
مـبـهـارتـيـنٍ مـن طـويـلات الاعـنـاق = مـع لـقـمـةٍ مـلـفـوفـة الـوسـط مـن فـوق
ونـارٍ سـنـاهـا مـع دجـا الـلـيـل شـعـاق = يـجـذب لـهـا الـحـطـاب مـن رمـث سـاحـوق
سـاهـرتـهـا والـنـاس بـالـنـوم غـراق =واخـذت مـع زيـنـات الامـثـال غـدروق
اسـمـع بـنـات الـفـكـر حـلـوات الاذواق = الـلّـي غـزن غـازي عـلـى كـل طـاروق
الـلّـي بـدغـداغ الـمـشـاعـر والاذواق = يـفـتـر لـه فـكـرٍ عـن الـشـعـر مـصـفـوق
حـجـر عـيـون الـشـعـر عـن كـل رمـاق = خـزايـزٍ لـه لا عـشـاوه ولابـوق
نـوادرٍ تـبـعـد عـن الـصـدر الاغـلاق = مـخـبـياتٍ مـا بـعـد طـبـن الـسـوق
ولـو انـهـن مـالـن عـلـى بـعـض الاسـواق = الـلّـي يـقـيـّم فـيـه عـاتـق ومـعـتـوق
ظـهـر لـهـن مـن سـوق الاربـاح بـراق = لاهـوب مـن بـرقـا ولاهـوب مـن روق[/poem]

مردود / غازي بن عون

[poem=font="Traditional Arabic,6,darkblue,bold,normal" bkcolor="transparent" bkimage="" border="solid,2,darkred" type=2 line=1 align=center use=sp num="0,black""]
يا مرحبا بالخط من كل الاعماق=ترحيبةٍ ينبض بها كل معلوق
أطلق حصار لي من الهم بوثاق=ومن السعادة ناض لعيونه بروق
وجنـّه بنات الفكر من كل الافاق=واحضر لشعره كل مفتاح صندوق
وسجل على الاوراق من دره فواق=والشعر مثل فواق ومخالف النوق
أن صبت نفسه قام معناه ينساق=كما تسوق الريح في البحر دانوق
ولا اخطيتها قامت معانيه تنعاق=وفي مجمع اهل الذوق ما صار له شوق
هذا ويا من له سوى الكيف ما شاق=والنعم بالاثنين عاشق ومعشوق
وكان انت وإيـّا ضيقة الصدر بخناق=تراه جاني مثل ما جاك مطبوق
ولو شفت شيءٍ صابني عصر الافراق=كني بعد رحتوا على الوجه مصفوق
من عصر لين الشمس اشعت بالاشراق=وكل أشقرٍ عدّا على كل شاهوق
وأنا أدرج الهاجوس والفكر ما راق=والجفن الأعلى ما تساوى على الموق
أيسر شمال نحيـّة القلب عن ساق=في دار حاتم عند أخو حشر ماسوق
بحر الندى وافي المكارم والاخلاق=ريف الضيوف اللّي لعوق العداء عوق
اللّي لحاتم بالعطا والكرم فاق=قولٍ صحيح ومصدر القول ماثوق
شهادةٍ تكتب على صفح لحاق=واشهودها عدلين ما فيهم طقوق
اثنا عشر موتر عطاهن بالاوراق=ما الحقهن المنه ولا أخذ لهن سوق
هذا يا بو نايف على قدر ما أطاق=حاضر بحاضر ما نبي فيه مفهوق[/poem]

يتبع ،،،