منتديات المرقاب الأدبية - عرض مشاركة واحدة

02-06-2011, 01:13 AM

الحاضر الغايب

عز الله العزيز أن لقصيدك طعم ثاني وله نكهة ..

يا هاجس الشعر صرت تغيب و تبين=ما كنك اللي ملازمني لك أزمان
لو كنت مثلي تقدّر عِشرة سنين=ماكان تقسى و تنسى كل ما كان
كان لحضورك معي حضرة سلاطين=في داخلي لك وطن ياسع له أوطان
قلي على وين رحت و جيت من وين=بين العناوين ما شفت لك عنوان
ليه البطا ؟ ما تعرف إن البطا شين=ان رحت ريّضت و اليا جيت عجلان
خليت بيني و بينك يقنب البين=و البين صوته يروع الذيب سرحان
تعال أخذ ما تبقى لك معي دين=يقطع حياة الشقا وقت اللقا حان
ألذّ و أطيب لقى ، لقيا المحبّين= وأمرّ و أصعب فراق ، فراق الأخوان
على العموم إترك الشرهه لبعدين=محتاج أفضفض شوي ، الصدر مليان
ياما تفانيت مع دنيا الفنا لين=كثرت عليّ الهموم و خاطري شان
أصبحت سجّان و همومي مساجين=الصدر سجن و ظلوع الصدر قضبان
يقضي سجين الظلوع من الدهر حين=يعيش و يموت ما يعلم به إنسان
سترت حالي بحالي و الستر زين=وفي هالزمن ما بقى مستور ما بان
سدّ الشفا له على خدّ الخفا عين=ما تترك الغافل ، و للحيطه آذان
يا قرب يوم الاحد من يوم الاثنين=للحي ، والا أمس يا بعده من الآن
لو الأمل يسكن عيون المساكين=ماشفت مسكين بات و مات جيعان
ما كل حق ٍ يجي بلسان و يدين=كم ضاع حق ٍ وراه يدين و لسان
مصارع النفس يبغى قسوه و لين=وملاوع الدهر يبغى صبر و ايمان

هالدره فوق الوصف والكلام فيها حرفنة كبااااااااااااااار وتتثبت انك ملك غصب عن ابو عيد والنصيف

صح لسانك ملياااااااااار ولاتسد حقنا عليك لا تغييب يابو راشد ترانا من جماهيرك العطاشا لــ هالابداع ..

لك فائق احترامي وتقديري ...!!