|
(( نــهــار الــوداع )) new ...!
بسم الله الرحمن الرحيم ...
أخواني / أخواتي , السلام عليكم ورحمة الله وبركاته , صبحكم الله بالخير ...
أخواني / أخواتي , أضع بين أيديكم هذه البسيطه , وأتمنى أن تنال بعض أعجابكم , وأن تشفع للغياب ...
صلوا على النبي , اللهم صلي وسلم على محمد وعلى آله وصحبه ومن أتبع هديه وخطاه إلى يوم الدين ...
أقول :
[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الدمع تعبير صادق في نهار الوداع=والضيق واجب وناتج عن ضياع السبيل
والشعر تفريغ راس الشاعر من الصداع=لولاه وألا غدا قلب الهواوي عليل
والشوق والوصل والتقدير والأندفاع=أشياء حارت ما بين الصدق والمستحيل
يا غايبه من ثلاث سنين يكفي ضياع=حني ترى ما بقى في صدر الآمال حيل
شاعرج ثابت ولو عالوا عليه الرعاع=يهيم في كل واد وغيم حبره يسيل
ثابر على رجعتج وأزرى وطال النزاع=وحام البسيطه ولا حصل لشوقه بديل
ضاقت عليه الفجوج الخاليات الوساع=وحاول ولا حصل بطرد المقفي حصيل
الحب له حرمته يا غايبه دون داع=والوصل له لذته والهجر كفه بخيل
غبتي وضاع الفرح وأحساس الأشعار ضاع=ولا لقت فرحتي في ظل عرشج مقيل
فليت في بحر صدج للمواصل شراع=وأصبحت تايه ما بين المر والسلسبيل
وخيّم علي الكدر والضيق والألتياع=وساد الظلام المكان ومات حلمي قتيل
أظن كافي حلوم وأمنيات وخداع=الله يستر عليج وجعل عمرج طويل
خلاص يكفي وأنا ما عاد في أتساع=شكراً وطعنتج ما تحتاج شرح ودليل
باقي طلب من بعد ما طاح عنج القناع=وأرجوج لا تخذليني دام ساسج أصيل
الخافق اللي خذيتيه برضى وأقتناع=رديه حتى ولو من باب رد الجميل
(( وأن كان ودج تشوفين أنكسار الشجاع=شوفي أنكساري وأنا مقفي بيوم الرحيل ))[/poem]
وسلامتكم ...
تقبلوا تحياتي وأحترامي ...
شعر : فهد عوض الفهيدان ...
شاعر وحرفي نزيه وهامتي هامه=وأقر في زلتي لا تاهت أقدامي
أبني للأيام والأيام هدامه=وأجدد أحلامها وتحطم أحلامي
للتواصل معي عبر الأيميل :
fahad_O_@hotmail.com
|