السلام عليكم ورحمة الله ..
متواضعه جداً .. تقبلوها والعذر يسبقها


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دور وتلقى على اغصان المشاعر امآن =ياللي تبعت الهبوب وصوتك أحمولها
غرد على كيفك ودور شعور وزمان =مشاعري مقفيه ما صوتك بحولها !
راحت مع الغايب اللي ماترك لي مكان =حتى السنه معه راحت بأربع فصولها
كان الحياه الجميله بس ياليت كان =تقفي معه واكتفي عن كان ما اقولها
ماعاد للقلب صوت ولا للشعري لسان =ومحاولاتي كثيره عكس مفعولها
الظاهر انه يحل عقود سحر البيان =ولا ان بعض الرسايل عند مرسولها !
من غيبته كل ذكرى كنها تقول : عان =وترجع معاناتي الاولى على حولها !
ماني بفاقد فقيده .. فاقد لي كيان =ومالك مشاكل حياه وفاقد حلولها
ازريت اعاون شعوري والله المستعان = وبكار فكري خيال وفيه معقولها !
من ليلة فراقنا وانا مدين ومدان =غابت علي المسائل مثل مسؤولها !
بين الاهانه وبين الشوق خيط اتزان =تركض عليه القلوب وتثبت أصولها
وانا احمل الشكر والتقدير والامتنان = إلــ..ناقل مشاعره يمي قبل منقولها
ولا انت ياطير لو تحزن شعورك .. يبان = في صوتك .. وفي قلوب الناس وعقولها
ماتواصل اليوم ضايق من ثمان إلــ..ثمان = تنام قبل الليالي تظلم فعولها
رح اسئل الشمع ولا اسئل الشمعدان = الليله اللي بدون احباب وش طولها ؟[/poem]


.
.

الله الله : )