المشاركة الأصلية كتبت بواسطة مطر الروقي
كم لي وانا البس افعالي من الصدق ثوب = كم لي وانا اقرا وارتل (لآيلاف) قريش
وقدرت اغير سلوك الصدق واصبح كذوب = كذبت حتى على نفسي علشان اعيش !
مع ضيقة البال ماضاقت علي الدروب = لوكل خطوة طموح.. تثير فى الناس ليش ؟
شروق الامّال نور..ان مال.. لون الغروب = والوقت يبغى رباطة جاش..والهم جيش
نكبر خطابه وتكبر من خطانا الخطوب = يامحذي الخيل.....لذات اللزز للكديش
بيض النوايا يغطيها سواد القلوب = وكثر المشاريه فينا سهمها مايطيش
وتجانس الناس مايغفر كبار الذنوب = مع مانعيشه...تعودنا على ..ماعليش !
بعض الرزايا..مزايا.. ياضحايا الحروب = احيان نحتاج لجل نحقق الحق..طيش
مانجلد الذات..من لذات..لولا العيوب = ياوالي العرش..من يرضى حياة العريش ؟
مع كل ( ثوره ) ( لثروه ) مات حلم الشعوب = والله مدري ! كلامي خوش..والا خويش ؟!!
دخلت المتصفح كزائر
واجبرتني على الدخول بالعضويه(هذه القصيده الشامخه)
لارفع القبعه تقديرا واحتراما لشاعرهاااا
كم انا سعيد بهذا النص وفخور بشاعره
لانه صناعه مبتكره لايجيدها الا مطر الروقي
..
.